پرەمەر-مينيستردٸڭ بٸرٸنشٸ ورىنباسارى نۇرلىبەك نەلٸباەۆ جۇمىس ساپارىمەن الماتى قالاسىنا بارىپ, ەۋەجاي مەن تەمٸرجول ۆوكزالىنداعى جاڭعىرتۋ جۇمىستارىمەن تانىستى, دەپ حابارلايدى dalanews.kz.
الدىمەن ول الماتى حالىقارالىق ەۋەجايىنداعى جوبالاردى ارالادى. پەررون عيماراتى, ۇشاقتاردى مۇزدان تازارتۋ الاڭى, جٷك تۇراقتارى مەن ٸشكٸ رەيستەر تەرمينالىن قايتا جاڭارتۋ جۇمىستارى تەكسەرٸلدٸ.
ەۋەجايدى باسقارىپ وتىرعان TAV Airports Holding كومپانيياسى الداعى بەس جىلعا ارنالعان 360 ملن دوللارلىق دامۋ جوسپارىن بەكٸتكەن. جوسپاردا تەرمينالداردى جاڭارتۋ, ۇشۋ-قونۋ جولاعىن جٶندەۋ, جاڭا نىساندار سالۋ جەنە اۆتوتۇراق تۇرعىزۋ قاراستىرىلعان.
نۇرلىبەك نەلٸباەۆ جۇمىس قارقىنى باياۋ ەكەنٸن ايتىپ, ەۋەجاي اۋماعىنداعى قۇرىلىس جۇمىستارىن 1 شٸلدەگە دەيٸن اياقتاۋدى تاپسىردى. ونىڭ سٶزٸنشە, سوزىلىپ كەتكەن جٶندەۋ جۇمىستارى تۋريستەر مەن جولاۋشىلارعا قولايسىزدىق تۋدىرىپ وتىر.
سونداي-اق, شەنەۋنٸك نٶسەر جاۋىن كەزٸندە ەۋەجايدى سۋ باسقان جاعدايعا دا توقتالىپ, مۇنداي مەسەلەلەر جاعىمسىز پٸكٸر قالىپتاستىراتىنىن ايتتى.
بۇدان كەيٸن پرەمەر-مينيستردٸڭ بٸرٸنشٸ ورىنباسارى "الماتى-1" تەمٸرجول ۆوكزالىنداعى رەكونسترۋكتسييا جۇمىستارىن تەكسەردٸ. ول “قازاقستان تەمٸر جولى” جۇمىسىنداعى كەمشٸلٸكتەردٸ اتاپ ٶتٸپ, جٶندەۋ جۇمىستارى تىم باياۋ جٷرٸپ جاتقانىن سىنعا الدى.
نۇرلىبەك نەلٸباەۆتىڭ ايتۋىنشا, ۆوكزالداعى ۇزاققا سوزىلعان جٶندەۋ جولاۋشىلارعا قولايسىزدىق تۋعىزعان. وسىعان بايلانىستى ول ۆوكزالداعى جاڭعىرتۋ جۇمىستارىن جەدەل اياقتاۋدى تاپسىردى.
