Ishki ister ministrligi azamattardy alaiaqtardan saq bolýǵa shaqyrdy, dep habarlaidy Dalanews.kz.
Ǵashyqtar kúni qarsańynda kópshilik súiiktisine erekshe syilyq daiyndaýǵa asyǵady. Mereke qarsańynda jeńildikter men jappai satylymdar týraly aqparat kóbeiedi. Alaida osy qarbalasty internet alaiaqtar da óz paidasyna jaratyp, jalǵan saittar ashyp, áleýmettik jeliler arqyly azamattardy aldaýǵa tyrysady.
IIM myna erejelerdi qatań ustanýǵa keńes berdi:
- taýardy tek senimdi, tekserilgen saittar men resmi marketpleister arqyly satyp alyńyz;
- áleýmettik jelilerdegi nemese messendjerlerdegi kúmándi siltemelerge ótpeńiz;
- shekten tys tómen baǵa usynylsa, abai bolyńyz, bul alaiaqtyqtyń belgisi bolýy múmkin;
- satýshydan taýar naqty bar ekenin rastaýdy surańyz;
- beineqońyraý arqyly dúkenniń naqty mekenjaiyn kórsetýdi ótinińiz. Alaiaqtar kóbine mundai talaptan jaltaryp, onyń ornyna geolokatsiia nemese óńdelgen foto jiberedi;
- tólem jasaý kezinde saq bolyńyz: aqshany jeke shottarǵa nemese kúmándi tólem júielerine aýdarmańyz;
- jeke derekterińizdi qorǵańyz.
"Bógde adamdarǵa eshqashan qupiiasóz, SMS kod, CVV kod jáne bank kartasynyń tolyq málimetin bermeńiz. Mereke tek qýanysh syilasyn. Saq bolyńyz jáne alaiaqtardyń qurbanyna ainalmańyz", - dep eskerdi politseiler.
