Qazirgi tańda aýyl sharýashlyǵy taýarlaryn syrt elderge eksporttaýda Túrkistan oblysy ózge óńirlerge qaraǵanda oq boıy ozyq túr. Eger statısıkalyq kórsetkishterge kóz salyp qaraıtyn bolsaq, Túrkistan oblysyndaǵy aýyl eńbekkerleriniń óndirgen ónimder Reseı, Belarýsıa, Qyrǵyzstan, Ózbekstan, Tájikstan, Aýǵanstan,  Qytaı, Túrkıa, Iran, Latvıa, Lıtva, Estonıa jáne Germanıaǵa eksporttalatynyn baıqaýǵa bolady.



Búginde oblys aýmaǵyndaǵy sharýalar syrt elderge kókónis pen baqsha daqyldaryn dan basqa bul elderge úndik eti, sýsyndar men iri qara malǵa arnalǵan azyq pen balyq konservilerin shyǵaryp keledi.

Sońǵy ýaqytta oblysta qarqyndy baý sharýashylyǵyn damytý jáne jańa tehnologıalardy qoldanýdyń arqasynda baqsha ónimderiniń kólemi artty. Osynyń nátıjesinde, jemis ımportynyń úlesi 99,3 mln. dollarǵa nemese 33,3 paıyzǵa, al kókónis 6,2 mln. dollarǵa nemese 4,8 tómendegen.

Jalpy Túrkistan oblysynda 21 kásiporyn óz ónimderin shet el asyryp, eksporttaıdy. Aımaqtyń kásipkerleri Ózbekstan, Qyrǵyzstan, Aýǵanstan jáne Tájikstan Respýblıkalaryna ósimdik maıy men un, balyq súbesi men konservilengen balyq, qus jumyrtqasyn, makaron, kondıterlik ónimderdi, qoı etin jáne sıyr etin shetel naryǵyna saýdalaýda.

Agrarly aımaqtyń sharýalary kókónispen qatar dándi-daqyldardy da eksporttaýǵa erekshe basymdyq berip keledi. Jalpy aýyl sharýashylyǵy eksportynyń kólemi búgingi tańda 211,4 mln. AQSH dollaryn qurap, ótken jylmen salystyrǵanda 6 paıyzǵa ósken. Al ımport kólemi 320 mln. AQSH dollaryn qurap, 4 paıyzǵa kemigen.

 

Túrkistan oblysy ákiminiń baspasóz qyzmeti