قازىرگى تاڭدا اۋىل شارۋاشلىعى تاۋارلارىن سىرت ەلدەرگە ەكسپورتتاۋدا تۇركىستان وبلىسى وزگە وڭىرلەرگە قاراعاندا وق بويى وزىق ءتۇر. ەگەر ستاتيستيكالىق كورسەتكىشتەرگە كوز سالىپ قارايتىن بولساق، تۇركىستان وبلىسىنداعى اۋىل ەڭبەككەرلەرىنىڭ وندىرگەن ونىمدەر رەسەي، بەلارۋسيا، قىرعىزستان، وزبەكستان، تاجىكستان، اۋعانستان،  جۇڭگو، تۇركيا، يران، لاتۆيا، ليتۆا، ەستونيا جانە گەرمانياعا ەكسپورتتالاتىنىن بايقاۋعا بولادى.



بۇگىندە وبلىس اۋماعىنداعى شارۋالار سىرت ەلدەرگە كوكونىس پەن باقشا داقىلدارىن دان باسقا بۇل ەلدەرگە ۇندىك ەتى، سۋسىندار مەن ءىرى قارا مالعا ارنالعان ازىق پەن بالىق كونسەرۆىلەرىن شىعارىپ كەلەدى.

سوڭعى ۋاقىتتا وبلىستا قارقىندى باۋ شارۋاشىلىعىن دامىتۋ جانە جاڭا تەحنولوگيالاردى قولدانۋدىڭ ارقاسىندا باقشا ونىمدەرىنىڭ كولەمى ارتتى. وسىنىڭ ناتيجەسىندە، جەمىس يمپورتىنىڭ ۇلەسى 99،3 ملن. دوللارعا نەمەسە 33،3 پايىزعا، ال كوكونىس 6،2 ملن. دوللارعا نەمەسە 4،8 تومەندەگەن.

جالپى تۇركىستان وبلىسىندا 21 كاسىپورىن ءوز ونىمدەرىن شەت ەل اسىرىپ، ەكسپورتتايدى. ايماقتىڭ كاسىپكەرلەرى وزبەكستان، قىرعىزستان، اۋعانستان جانە تاجىكستان رەسپۋبليكالارىنا وسىمدىك مايى مەن ۇن، بالىق سۇبەسى مەن كونسەرۆىلەنگەن بالىق، قۇس جۇمىرتقاسىن، ماكارون، كونديتەرلىك ونىمدەردى، قوي ەتىن جانە سيىر ەتىن شەتەل نارىعىنا ساۋدالاۋدا.

اگرارلى ايماقتىڭ شارۋالارى كوكونىسپەن قاتار ءداندى-داقىلداردى دا ەكسپورتتاۋعا ەرەكشە باسىمدىق بەرىپ كەلەدى. جالپى اۋىل شارۋاشىلىعى ەكسپورتىنىڭ كولەمى بۇگىنگى تاڭدا 211،4 ملن. اقش دوللارىن قۇراپ، وتكەن جىلمەن سالىستىرعاندا 6 پايىزعا وسكەن. ال يمپورت كولەمى 320 ملن. اقش دوللارىن قۇراپ، 4 پايىزعا كەمىگەن.

 

تۇركىستان وبلىسى اكىمىنىڭ باسپا ءسوز قىزمەتى