Qyzylorda oblysynyń ákimi Nurlybek Nálibaev QR Parlamenti Senatynyń depýtaty Nýriia Niiazova jáne «Assambleia jastary» qoǵamdyq birlestiginiń tóraǵasy Timýr Jumyrbaevpen kezdesti. Kezdesýde Qazaqstan halqy Assambleiasynyń mereili 30 jyldyǵy aiasynda óńirde atqarylǵan jumystar men aldaǵy josparlar sóz boldy, dep habarlaidy Dalanews.kz
Qyzylorda oblysynda bilim, ǵylym, jýrnalistika, qoǵamdyq qyzmet, sport, meditsina, mádeniet, kásipkerlik, óndiriste eńbek etetin, memlekettik jastar saiasatynyń damýyna ózindik úlesin qosqandarǵa oblys ákiminiń «Syr úmiti» syilyǵy jyl saiyn tabystalyp keledi.
Baspanaǵa muqtajdyq máselesin sheshý úshin «Syr jastary» baǵdarlamasy qolǵa alyndy. Oǵan oblystyq biýdjetten «Otbasy bank» turǵyn úi qurylys jinaq banki» arqyly kredit berýge 1,2 mlrd teńge bólindi. «Syr jastary» – jylyna 100 jas otbasyny baspanamen qamtýǵa baǵyttalǵan, óńirlik tyń joba, aimaq jastaryn qoldaý men qamqorlyqtyń jarqyn úlgisi.
Aýdan ortalyqtarynyń barlyǵynda tiptik úlgidegi «Rýhaniiat ortalyqtary» boi kóterdi. Bul ǵimaratta ardagerler, analar keńesi, arhiv, mýzei, jastar ortalyqtarymen birge Assambleia múshelerine de «Qoǵamdyq kelisim» kabineti qarastyrylǵan. Onda jergilikti etnomádeni birlestikter bas qosady. Oblystyq etnomádeni birlestikter «Dostyq úiinde», al aýdandarda «Rýhaniiat ortalyqtarynda» belsendi jumys jasap, etnosaralyq qatynastyń nyǵaiýyna septigin tigize bermek.
Biyl Qyzylorda qalasyndaǵy Beibarys sultan kóshesiniń boiynan jańa úlgidegi «Dostyq úiiniń» qurylysy bastaldy. Ǵimarat jyl sońynda el igiligine beriledi.
Nýriia Niiazova men Timýr Jumyrbaev Syr elinde atqarylǵan jumystarǵa oń baǵasyn berip, osy isterdiń barlyǵy jastardyń, etnos ókilderiniń, jalpy turǵyndar arasyndaǵy tatýlyqty, kelisimdi odan ári nyǵaitatynyn aitty.
