Qyzylorda oblysynyń ákimi Nurlybek Nálibaevtyń tóraǵalyǵymen dene shynyqtyrý- saýyqtyrý keshenin salý jobasy boiynsha jiyn ótti, dep habarlaidy Dalanews.kz
Jiynǵa «Qazaqstan halqyna» qoǵamdyq qorynyń basqarma tóraiymy Lázzat Shyńǵysbaeva, jaýapty sala basshylary, ziialy qaýym ókilderi jáne qordan balalarynyń emine kómek alǵan ata-analar qatysty.
Basqosýda Qyzylorda oblysynyń ákimdigi, «Qazaqstan halqyna» qoǵamdyq qory jáne «R i A Servis LTD» jaýapkershiligi shekteýli seriktestigi arasynda dene shynyqtyrý-saýyqtyrý keshenin salý týraly úshjaqty memorandýmǵa qol qoiyldy.
Aimaq basshysy birlesip atqarylatyn jumystarǵa toqtalyp, aldaǵy josparlardy bólisti.
«Prezidentimiz Qasym-Jomart Kemelulynyń tikelei bastamasymen densaýlyq saqtaý, bilim berý jáne áleýmettik qoldaý salalaryndaǵy máselelerdi sheshý maqsatynda qurylǵan «Qazaqstan halqyna» qoǵamdyq qorymen tyǵyz bailanys ornatylyp, óńirimizde birlesken jobalar qolǵa alynǵan.
Búgin qordyń qoldaýymen Qyzylorda qalasynan quny 2 mlrd. 900 mln. teńge (qor – 2 mlrd. 300 mln. teńge, OB – 600 mln. teńge) bolatyn dene shynyqtyrý-saýyqtyrý keshenin salý úshin úshjaqty kelisimge qol qoiý rásimine jinaldyq.
Prezidentimizdiń, Úkimettiń erekshe qoldaýymen Syr óńirinde baiypty bastamalar qolǵa alynyp, jasampaz jobalar júzege asýda. Oblys biýdjetin 750 mlrd teńgeden asyrdyq. Sáýleti men sáni kelisken jańa ǵimarattar boi kóterip, el igiligine tabystalýda.
Memleket basshysynyń «Týǵan jerdi birge túleteiik!» úndeýine orai jergilikti kásipkerler, qoǵamdyq qorlar, oblystan shyqqan metsenattar ortaq iske belsendi aralasyp, qaiyrymdylyq sharalaryna, Syr elin kórkeitýge úles qosýda.
Búginde demeýshilerdiń 50 mlrd. teńgeden astam qarjysyna irgeli ister atqaryldy. Qor ujymyna qajyrly da qomaqty eńbegi úshin rizashylyǵymyzdy bildiremiz. Bolashaqta da qarym-qatynasymyz ózara tiimdi negizde qurylady dep úmittenemiz», – dedi N.Nálibaev.
Jiynda Lázzat Shyńǵysbaeva óńirdegi jumystarǵa oń baǵasyn berdi. Sonymen qatar, oblystyq ardagerler keńesiniń tóraǵasy Serik Dúisenbaev pen eńbek ardageri, qoǵam qairatkeri Ibragim Abibýllaev bastamalarǵa sáttilik tiledi. Ata-analar atynan Dosbol Sáttibaev qor ujymyna lebizin bildirdi.
Aita keteiik, «Qazaqstan halqyna» qoǵamdyq qory aimaqta 7 mlrd. 150 mln teńgeniń jobalaryn júzege asyrýda. Sońǵy eki jylda óńirdiń densaýlyq saqtaý salasyna 4 mlrd. 800 mln. teńge qarjy baǵyttady. Bul qarjyǵa oblystyq balalar aýrýhanasy bazasynda jáne Jańaqorǵan aýdanynda «Qamqorlyq» ortalyqtary ashylyp, qajetti dári-dármek alyndy.
Qordyń qoldaýymen Aral aýdanynda da «Qamqorlyq» ortalyǵy salynýda. Mamyr aiynda paidalanýǵa beriledi. Sondai-aq, oblystyq onkologiia ortalyǵyn quny 1 mlrd. 100 mln. teńge bolatyn skrining júrgizýge arnalǵan jyljymaly meditsinalyq keshenmen qamtamasyz etti. Bul keshen elimizdiń 3 óńirinde ǵana bar. Qazirgi kezde aimaqtyń shalǵai eldi mekenderindegi turǵyndarǵa turaqty qyzmet kórsetedi.
«Qazaqstan halqyna» qoǵamdyq qory «Aýyldyq aimaqtardaǵy tirek mektepterdiń áleýetin damytý» jobasyn da iske asyrýda. Joba aiasynda 2022-2024 jyldary 6 mektep 1 mlrd. 500 mln. teńgege qaita jabdyqtaldy. Biyl taǵy 2 mektepke 500 mln teńge qarjy qaralǵan.
Qor demeýshiligimen 172,5 mln. teńgege jyldam turǵyzylatyn angar tiptes sport kesheni Shieli aýdany Aqtoǵan aýylynda salynyp, el igiligine tabystaldy. Jalaǵash aýdany Aqqyr aýylyndaǵy sport kesheni jaqyn kúnderi paidalanýǵa beriledi. Al Syrdariia aýdanyna sporttyq qural-jabdyqtar alynyp, bólmeler jabdyqtaldy.
