Aibek Smadiiar Qazaqstannyń Syrtqy ister ministrliginiń resmi ókili qyzmetin toqtatqanyn jariia etti. Bul jaiynda ol búgin, 9 jeltoqsanda ministrliktiń brifinginde aitty, dep habarlaidy Dalanews.kz
Smadiiar ministrlikte ótkizgen segiz jyl ishinde otandyq jáne sheteldik jýrnalistermen birlesip jumys istegen kezeńin erekshe atap ótti. Ol buqaralyq aqparat quraldaryna kórsetken qoldaýy úshin alǵys bildirip, dál osy aqparattyq yntymaqtastyqtyń arqasynda álem jurtshylyǵy Qazaqstannyń syrtqy saiasaty men halyqaralyq bastamalary týraly keńinen habardar bolǵanyn jetkizdi.
Sondai-aq, Aibek Smadiiar óz sózinde endigi eńbek jolyn jekemenshik kompaniiada jalǵastyrýdy josparlap otyrǵanyn málimdedi.
Kópjyldyq eńbegi men diplomatiialyq saladaǵy úlesi úshin ol birneshe memlekettik jáne kásibi marapattarǵa ie bolǵan.
Aibek Smadiiarovtyń salalyq organnan ketýi — diplomatiialyq ortada eleýli jańalyq. Ol jańa qyzmetinde de memleket múddesine qyzmet etip, jinaqtaǵan tájiribesin azamattyq sektorda paidalanýǵa nietti ekenin atap ótti.
