Almaty qalasynyń Sybailas jemqorlyqqa qarsy qyzmeti «Sybailas jemqorlyqqa qarsy eriktilik» jobasyna qatysýshylardyń kómegimen «Biryńǵai satyp alý terezesi» arqyly memlekettik satyp alý júiesin únemi monitoringilep otyrady, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
Monitoring barysynda «Jetimsiz jáne ata-anasynyń qamqorlyǵynsyz qalǵan balalarǵa arnalǵan №10 jalpy bilim beretin mektep-internat» KMM-niń (budan ári – Mektep) basshylyǵynyń zańsyz is-áreketteri anyqtaldy.
Mekteptiń memlekettik satyp alý saitynda «Oqý quraldary jinaǵyn» bir danasyna artyq baǵamen 3,5 mln teńgege 28 mln teńge somaǵa satyp alǵany anyqtaldy.
Tehnikalyq sipattama boiynsha, internet keńistigin zertteý jáne kommertsiialyq usynystar suraý ádisimen eń kóp tolyqtaýdyń quny
2,1 mln teńgeni artpaityny, artyq berilgen soma 11 mln teńgeden astam bolǵany anyqtaldy, osy anyqtalǵan derek boiynsha ýákiletti organdarǵa hat joldalyp, satyp alý bas tartyldy.
Eriktilermen birge BAQ monitoringi barysynda áleýmettik jelilerde jariialanǵan aqparat anyqtaldy. Rozybakiev jáne Berezovskii kósheleriniń qiylysyna shyǵysqa qarai shyqqan Berezovskii kóshesinde jol belgileri durys salynbaǵany shyǵyp turǵan monitoring barysynda anyqtaldy.
Ishki ister ministriniń 2023 jylǵy 30 maýsymdaǵy №534 buiryǵyna sáikes jol belgileri belgili bir rejimder men qozǵalys tártibin belgileidi.
Sondyqtan jol belgilerin durys kórsetpeý jol erejelerin buzýǵa ákelip, qala turǵyndarynyń densaýlyǵy men qaýipsizdigine qaýip tóndiredi, sonymen qatar, bul jerde korrýptsiialyq quqyq buzýshylyqtardy jasaýǵa múmkindik beredi.
Almaty qalasynyń Sybailas jemqorlyqqa qarsy qyzmeti Almaty qalasynyń Politsiia departamenti men Qalalyq kólik jáne jol infraqurylymy basqarmasyna azamattardyń qaýipsizdigin qamtamasyz etý jáne osy ýchaskedegi korrýptsiialyq quqyq buzýshylyqtardyń aldyn alý maqsatynda qysqa merzimde sharalar qabyldaý týraly hat joldady.
Buzýshylyqtar joiý arqyly barlyq ýchaskede tiisti jol belgileri ornatyldy.
Sybailas jemqorlyqqa qarsy eriktiler qoǵamdyq baqylaýdy qamtamasyz etý boiynsha jumystaryn jalǵastyrýda, bul halyqtyń áleýmettik máselelerin sheshýge septigin tigizedi.
