Shvetsiianyń jaǵalaý kúzeti Baltyq teńizinde Resei portyna baǵyt alǵan taǵy bir kemeniń ustalǵanyn habarlady. Bul joly Braziliiadan shyqqan Sea Owl I munai tankeri toqtatylǵan, dep habarlaidy Dalanews.kz.
Shvetsiia jaǵalaý kúzetiniń málimetinshe, arnaiy operatsiia barysynda quqyq qorǵaý organdary men politsiia tanker eldiń aýmaqtyq sýlaryna kirgen kezde onyń bortyna kóterilgen. Bul týraly koroldiktiń jaǵalaý kúzeti resmi saitynda habarlady.
Vedomstvo málimetinshe, Sea Owl I Komor araldarynyń týy astynda júredi. Alaida shved tarapy kemeniń sol eldiń keme tiziliminde tirkelmegen bolýy múmkin dep kúdiktenedi. Osyǵan bailanysty tanker jalǵan týmen júrýi múmkin, iaǵni onyń qaýipsizdigine jaýap beretin naqty memleket bolmaýy múmkin. Sondai-aq keme Eýroodaqtyń sanktsiialyq tizimine engizilgen. Shved tarapynyń dereginshe, tanker bortynda júk joq.
Qazirgi ýaqytta kemede tintý júrgizilip, ondaǵy adamdardan jaýap alynýda. Sonymen qatar jaǵalaý kúzeti tankerdiń teńizde júzýge jaramdylyǵyn tekserý boiynsha aldyn ala tergeý bastaǵan.
Vedomstvo taratqan aqparattyq anyqtamaǵa sáikes, sońǵy jyldary Sea Owl I Resei men Braziliia arasynda munai ónimderin tasymaldaýmen ainalysqan. Ustalǵanǵa deiin tanker Braziliiadaǵy Santýs portynan Reseidiń Primorsk portyna baǵyt alǵan. Jaǵalaý kúzetiniń ókili Mattias Lindholm de SVT telearnasyna bergen suhbatynda kemeniń Reseige bara jatqanyn málimdegen.
Alaida kemelerdiń qozǵalysyn baqylaityn MarineTraffic servisiniń deregine sáikes, tanker Santýs portynan Estoniia astanasy Tallin portyna baǵyt alǵan.
Aita keteiik, Sea Owl I - naýryz aiynda Baltyq teńizinde Shvetsiia biligi ustaǵan ekinshi tanker. Buǵan deiin quqyq qorǵaý organdary Gvineia týy astynda júrgen Caffa qurǵaq júk kemesiniń bortyna kóterilip, tergeý júrgizgen edi. Ol kezde de shved tarapy kemeniń teńizde júzýge jaramdylyǵyna kúmán keltirip, teńiz tasymaly týraly zań buzylǵan bolýy múmkin dep málimdegen.
Batys elderiniń pikirinshe, Resei munai, munai ónimderi men suiytylǵan tabiǵi gazdy sanktsiialardy ainalyp ótip tasymaldaý úshin «kóleńkeli flotty» paidalanady. Al Máskeý bul shekteýlerdi tiimsiz ári zańsyz dep atap, olardy joiýdy talap etip keledi.
