Shýdyń sportshylary jarady
Sonymen qatar, Óskemen qalasynda taekvondodan 2005-2007 jyldary týǵan jasóspirimder arasynda Qazaqstan Respýblikasynyń chempionaty ótip, Sádý Shákirov atyndaǵy orta mektep oqýshysy, qazirgi tańda Taraz qalasynda oblystyq mamandandyrylǵan daryndy balalarǵa arnalǵan sport internatynyń tárbielenýshisi, №30 BJSM-niń jattyqtyrýshysy Marat Tileýqulovtyń shákirti Nurasyl Qýandyq júldeli 1-shi oryndy jeńip aldy. Aýdannyń namysyn bási joǵary dodadalarda qorǵap júrgen sportshy buǵan deiin de kóptegen biikterdi baǵyndyrǵanyn aita ketý kerek.
Al Taraz qalasynda ótken qol kúresinen Jambyl oblysynyń chempionatynda Mýrat Gafýrov pen Polat Davrishev 1-shi oryn, Rýslan Mahsýdov 2-shi oryn, Bekir Gafýrov pen Ramil Aivazov 3-shi orynǵa ie boldy. Búgini kúni olardy jattyqtyrýshylary Bahtiiar Rasýlov Taldyqorǵan qalasynda ótetin el chempionatyna daiyndaýda.
Sporttaǵy jetistikterdi aýdannyń názik jandylary da tolyqtyrýda. Jýyrda Taraz qalasynda basketboldan 2006-2007 jyldary týǵan qyzdar arasynda Jambyl oblysynyń chempionatyna qatysqan qyzdarymyz qarsylas shaq keltirmei, 1-shi oryndy jeńip aldy. Osylaisha, QR chempionatynyń joldamasyna qol jetkizdi. Al biz olardyń jattyqtyrýshysy Serik Kýramaevqa alǵys bildiremiz.
Odan bólek, taiaýda Taldyqorǵan qalasynda Erkin kúresten 2002-2003 jyldary týǵan jasóspirimder arasynda QR chempionaty ótken bolatyn. Bul jarysta №30 BJSM-niń túlegi Islam Tagirov asa aýyr 110 keli salmaqta chempion atanyp, 1-shi oryndy jeńip alǵan jetistigimen jattyqtyrýshysy Ramazan Haqýevti qýantty.
Jambyl oblysy
Shý aýdany
