شۋدىڭ سپورتشىلارى جارادى
سونىمەن قاتار, ٶسكەمەن قالاسىندا تاەكۆوندودان 2005-2007 جىلدارى تۋعان جاسٶسپٸرٸمدەر اراسىندا قازاقستان رەسپۋبليكاسىنىڭ چەمپيوناتى ٶتٸپ, سەدۋ شەكٸروۆ اتىنداعى ورتا مەكتەپ وقۋشىسى, قازٸرگٸ تاڭدا تاراز قالاسىندا وبلىستىق مامانداندىرىلعان دارىندى بالالارعا ارنالعان سپورت ينتەرناتىنىڭ تەربيەلەنۋشٸسٸ, №30 بجسم-نٸڭ جاتتىقتىرۋشىسى مارات تٸلەۋقۇلوۆتىڭ شەكٸرتٸ نۇراسىل قۋاندىق جٷلدەلٸ 1-شٸ ورىندى جەڭٸپ الدى. اۋداننىڭ نامىسىن بەسٸ جوعارى دودادالاردا قورعاپ جٷرگەن سپورتشى بۇعان دەيٸن دە كٶپتەگەن بيٸكتەردٸ باعىندىرعانىن ايتا كەتۋ كەرەك.
ال تاراز قالاسىندا ٶتكەن قول كٷرەسٸنەن جامبىل وبلىسىنىڭ چەمپيوناتىندا مۋرات گافۋروۆ پەن پولات داۆريشەۆ 1-شٸ ورىن, رۋسلان ماحسۋدوۆ 2-شٸ ورىن, بەكير گافۋروۆ پەن راميل ايۆازوۆ 3-شٸ ورىنعا يە بولدى. بٷگٸنٸ كٷنٸ ولاردى جاتتىقتىرۋشىلارى باحتييار راسۋلوۆ تالدىقورعان قالاسىندا ٶتەتٸن ەل چەمپيوناتىنا دايىنداۋدا.
سپورتتاعى جەتٸستٸكتەردٸ اۋداننىڭ نەزٸك جاندىلارى دا تولىقتىرۋدا. جۋىردا تاراز قالاسىندا باسكەتبولدان 2006-2007 جىلدارى تۋعان قىزدار اراسىندا جامبىل وبلىسىنىڭ چەمپيوناتىنا قاتىسقان قىزدارىمىز قارسىلاس شاق كەلتٸرمەي, 1-شٸ ورىندى جەڭٸپ الدى. وسىلايشا, قر چەمپيوناتىنىڭ جولداماسىنا قول جەتكٸزدٸ. ال بٸز ولاردىڭ جاتتىقتىرۋشىسى سەرٸك كۋراماەۆقا العىس بٸلدٸرەمٸز.
ودان بٶلەك, تاياۋدا تالدىقورعان قالاسىندا ەركٸن كٷرەستەن 2002-2003 جىلدارى تۋعان جاسٶسپٸرٸمدەر اراسىندا قر چەمپيوناتى ٶتكەن بولاتىن. بۇل جارىستا №30 بجسم-نٸڭ تٷلەگٸ يسلام تاگيروۆ اسا اۋىر 110 كەلٸ سالماقتا چەمپيون اتانىپ, 1-شٸ ورىندى جەڭٸپ العان جەتٸستٸگٸمەن جاتتىقتىرۋشىسى رامازان حاقۋەۆتٸ قۋانتتى.
جامبىل وبلىسى
شۋ اۋدانى
