Shýda dala jumystary qyza túsýde
Shý aýdanyndaǵy 139 706 gektar jer aýyl sharýashylyq maqsatyndaǵy egistik jerge tiesili desek, onyń ishindegi jerdiń 27 516 gektary sýarmaly, 112 190 gektary tálimdi egistik jerdi qamtyp otyr.
Aýdan ákimdiginiń aýylsharýashylyǵy bólimi bergen málimetke súiensek, biylǵy jylǵy daqyldardy ornalastyrý jospary ótken jylǵy josparmen salystyrǵanda 1490 gektarǵa ulǵaitylǵan jáne 30 606 gektar jerge súr aidalyp, barlyǵy 138 506 gektar jerdi paidalaný josparlanyp, onyń paidalanýy 99,1 paiyzǵa jetkiziledi dep boljamdalýda. Iaǵni, ústimizdegi jyly oraq oryp, ketpen túretin shýlyq diqanshylar 21 640 ga jerge jazdyq arpa, 1470 ga dándik júgeri, 250 ga nýt, 9760 ga maily daqyldar (ony ishinde kúnbaǵys 525 ga, maqsary 9235 ga) 1500 ga qant qyzylshasy, 1200 ga kartop, 10 180 ga kókónis, 8520 ga baqsha, 38 610 ga mal azyǵy daqyldaryn sebýdi josparlap otyr.
Bólim málimeti boiynsha, aýylsharýashylyǵy tehnikalary da 100 paiyzǵa saqadai sai. Biyl 17 mln.470 myń teńgege 6 dana aýyl sharýashylyq tehnikasy alynǵan. Al, janar-jaǵarmaimen qamtamasyz etý baǵytynda tómendetilgen baǵamen aýdanǵa 2200 tonna dizel otyny bólingen. Búgingi kúnge «Shý munai bazasy» JShS-ne kelgen 430 tonna arzandatylǵan janarmaidyń 350 tonnasy aýdannyń agroqurylymdaryna litri 176 teńgeden berilip, olar dala jumystaryna jetkilikti paidalanýda. Sonymen qatar, biylǵy jyly 1 tonna ammiak selitrasynyń baǵasy 78 400 teńge, tasymaldaý quny ár tonnasyna 5 950 teńgeni qurap, barlyǵy 84 350 teńge bolyp otyr. Búgingi kúni atalǵan tyńaitqyshqa «Dýlat Jaisan» jaýapkershiligi shekteýli seriktestigi 30 tonnaǵa, «Agro Profit» jaýapkershiligi shekteýli seriktestigi 20 tonnaǵa tapsyrys beripti.
Dese de, eginniń shyǵymdylyǵy tek qana eginshiniń eńbegine táýeldi emes ekeni belgili. Qambamyz altyn dánge tolý úshin tabiǵat-ana da bizge meiirimin tógip, qoldaý kórsetýi tiis. Sonda ǵana jaiqalǵan egis dalasyn jaipap ketetin qýańshylyqtyń beti ári qarap, jiyn-terin mol bolmaq.
