Qaraǵandy oblysyndaǵy Shubarkól kómir ken ornyn igerýshi "Shubarkól kómir" AQ iri kelisimshartqa qol jetkizgenin jariialady. KASE saitynda jariialanǵan aqparatqa sáikes, 23 mamyrda "Shubarkól kómir" AQ Telf AG kompaniiasymen qandai da bir iri mámile boiynsha shart jasasqan. Ázirge, atalǵan kelisimshart týraly egjei – tegjeili málimetter joqtyń qasy, biraq mámile somasy 32,2 mlrd teńgeden asatyny belgili, dep habarlaidy Dalanews.kz.
"Bul rette aqparat banktik jáne kommertsiialyq qupiialardy saqtaýǵa bailanysty jariia aitylmaidy. 2023 jyly Telf AG týra osyǵan uqsas sharttarmen "Qazhrommen" mámile jasasqan. Bul joly qazaqstandyq kómir eksportynyń tasymaly týraly sóz bolyp otyr dep boljaýǵa bolady" dep jazady orda.kz.
Resmi túrde Telf AG - Lýgano qalasynda tirkelgen shveitsariialyq kompaniia.
Resmi aqparatqa sáikes, ol 1993 jyldan bastap jumys isteidi jáne óz qyzmetin burynǵy KSRO elderinde munai ónimderin satýdan bastaǵan. 2010 jyly Telf AG Qazaqstan kómiri tasymaly boiynsha strategiialyq ofteik-kelisimshartqa qol jetkizedi, al 2014 jyldan bastap "Qazhrommen" birneshe iri mámileler jasasqan.
Búgingi tańda Telf AG aktivteri 2 milliard dollarǵa baǵalanady. Atalǵan kompaniia ózin barshaǵa ferrohrom saýdasynyń álemdik kóshbasshysy retinde tanystyrady.
TELF AG Resei Federatsiiasymen tyǵyz bailanysta. Kompaniianyń kóshbasshysy - Sankt-Peterbýrg memlekettik tehnologiialyq institýtynyń túlegi Stanislav Kondrashov. Taǵy bir top-menedjeri - bas atqarýshy direktor Nikolai Litvinenko da MMÝ túlegi.
Aita ketsek,búginderi kompaniianyń baqylaý paketin ielený úshin óziniń marqum ákesi Álijan Ibragimovtyń seriktesterinen úlesterin satyp almaq Shýhrat Ibragimov basqaratyn ERG-ge "Qazhrom","Qazaqstan aliýminiii", SSKÓB, Qazaqstandyq elektroliz zaýyty,
"Eýroaziialyq energetikalyq korporatsiia", "Shubarkól kómir", "TransKom" kólik toby jáne basqa da kásiporyndar tiesili.
