Aqmola oblysy ákiminiń orynbasary Altynai Ámirenova Shýchinskidegi jarylystan zardap shekkenderdiń jaǵdaiyn aitty, dep habarlaidy Dalanews.kz.
Shýchinsk qalasynyń statsionaryna kúiiktiń ártúrli dárejesimen 13 naýqas túsken. Qazirgi ýaqytta 6 naýqasty Kókshetaý qalasyndaǵy kópbeiindi oblystyq aýrýhanaǵa aýystyrýǵa daiyndyq júrgizilip jatyr.
"Shuǵyl meditsinalyq kómek kórsetý úshin oblys ortalyǵynan meditsinalyq mamandar tartyldy, qosymsha úsh anesteziolog-reanimatolog brigadasy keldi. Qajetti dári-dármekter jetkilikti kólemde bar. Naýqastardyń jaǵdaiyn turaqtandyrý úshin barlyq qajetti kómek tolyq kólemde kórsetilýde", - deidi Aqmaral Ámirenova.
Eske salaiyq, 27 aqpanǵa qaraǵan túni Shýchinsk qalasynda bes qabatty turǵyn úige tirkelgen bir qabatty dámhanada gaz aýa qospasy jarylyp, órt shyqty.
Saldarynan jeti adam qaza tapty.
