Shyǵys Qazaqstan oblysyndaǵy Ulan aýdanynda týrizm salasy qarqyndy damyp keledi. Sońǵy úsh jyl ishinde munda 2,7 mlrd teńgege jobalar júzege asyrylýda. Bul týraly Ulan aýdany ákiminiń orynbasary Liaziza Kenjetaeva Óńirlik kommýnikatsiialar qyzmetiniń alańynda málimdedi,- dep habarlaidy Dalanews.kz
Saladaǵy damý rekreatsiialyq aimaqtardy damytý jospary aiasynda júrgizilýde jáne ol tabiǵi-mádeni nysandardy qamtidy.
Biyl Shybyndykól kóliniń jaǵasynda jańa demalys bazasynyń qurylysy bastalady. Investor — «QaiMak Resort» JShS, investitsiia kólemi — 250 mln teńge. Sonymen qatar, Tarǵyn aýylynda kafe men sanitarlyq aimaǵy bar jol boiyndaǵy keshen ashylady. Bul aýdan boiynsha týristik baǵyttardyń tartymdylyǵyn arttyrady.
Dýbygalinskoe, Aiyr jáne Shybyndykól kólderin abattandyrýǵa, «Bagration» pantaemdeý shipajaiyn 40 tósek-orynǵa keńeitýge, sondai-aq tarihi-mádeni nysandar — Ablaikit, Aqbaýyr arheologiialyq keshenderi men Bozanbai aýylyndaǵy Búrkittóbe alańyn damytýǵa erekshe kóńil bólinýde.
Sonymen qatar, 7 ekskýrsiialyq marshrýt ázirlengen, olardyń qatarynda «Medvedka – Toǵanas – Besterek» ekologiialyq soqpaǵy bar. Bul jerde týristerdiń yńǵailylyǵy úshin kiiz úiler, bastyrmalar, fotozonalar men baspaldaqtar ornatý josparlanýda. Aýyl týrizmine de erekshe mán berilýde: qonaqtarǵa dástúrli úilerde tynyǵyp, óńir mádenietimen jaqynyraq tanysý usynylady.
2024 jyldyń qorytyndysy boiynsha Ulan aýdanyna 13,8 myń týrist kelgen, al ornalastyrýdan túsken kiris 261,6 mln teńgeni qurady. Aýdannyń imidji halyqaralyq deńgeidegi is-sharalardyń, sonyń ishinde álemniń túkpir-túkpirinen búrkitshiler jinalatyn «Shyǵys salbýryny» festivaliniń arqasynda nyǵaiýda.
Ulan aýdany tabiǵi sulýlyqty, tarihi oryndardy jáne zamanaýi jailylyq standarttaryn biriktire otyryp, ózindik týristik brendin qalyptastyrý jolynda senimdi qadamdar jasaýda.
