Qala ákimi Jaqsylyq Omardyń aitýynsha, aǵymdaǵy jyly 35 turǵyn úi aýlalary jóndelip, zamanaýi qondyrǵylarmen jabdyqtalady.
- Arnaiy komissiianyń sheshimimen turǵyn úiler aýlalary tańdap alynyp, qajetti qujattar ázirlenip, jumys qarqyndy bastaldy. Iaǵni, barlyǵy 13 myń turǵyndy qamtityn aýlalarda abattandyrý, jol jóndeý jumystary júrgizilip, jaryqtandyrý ornatylyp, balalar oiyn alańdary qoldanysqa beriledi. Bul jumystar «Meniń aýlam» baǵdarlamasy aiasynda júzege asyrylyp keledi, - dedi qala basshylyǵy.
Aita ketsek, Óskemen qalasy sońǵy jyldary kóz qyzyǵarlyqtai gúldenip keledi. Sońǵy eki jylda turǵyn úi qurylysynyń qarqyny eki esege artty. Myńdaǵan otbasy jańa baspanaǵa ie bolyp, qala aýmaǵynda jańa shaǵyn aýdandar boi kóterýde.
Biyldyń ózinde 48 kóp qabatty turǵyn úidiń qurylysy bastaldy. 8 jolaqty Sátpaev dańǵyly tolyq jóndeýden ótti.
Jalpy, Shyǵys Qazaqstan ogblysynda aýlalardy jańartý, jóndeý jumystary alǵa qoiylǵan. Aimaq basshysy Danial Ahmetovtyń tikelei tapsyrmasymen qala jáne aýyldarda zamanaýi balalar alańdary ornatylýda. Halyq kóp demalatyn jerlerge sporttyq qondyrǵylar da ornatylyp, turǵyndar igiligine jaraýda.
