Oblys ákiminiń orynbasary Jaqsylyq Omar «ShQO aqparattyq ortalyǵy» aimaqtyń kommýnikatsiialar ortalyǵynda ótkizgen baspasóz konferentsiiasynda aimaq mektepterinde úshtildilikti engizý 2016 jyldyń aqpanynda QR Bilim jáne ǵylym ministrliginiń buiryǵymen maquldanǵanyn málimdedi. Sonymen qatar Shyǵys Qazaqstan oblysy tájiribelik alań retinde anyqtalyp, oblys mektepteri alǵashqy bolyp atalmysh oqytý júiesine kóshiriledi.
- Biz biýdjet qarajatyn mektepterdi qamtamasyz etýge, muǵalimer jalaqysyna jumsaǵanmen, nátije joq. Oblys ákimi Danial Ahmetov oqýshylar bilim deńgeiiniń jetkiliksizdigin eskerip, 2019 jylǵa deiin aimaq mektepterinde úshtildilikti damytý boiynsha keshendi jospardy júzege asyrýdy tapsyrdy. Atalmysh qujat oqytý men sabaq berýde jańa úrdiske ie bolmaq. Ony júzege asyrý úshin 1300 mln teńge bólindi, - dedi Jaqsylyq Omar.
Sondai-aq, oblys ákiminiń orynbasary qazaq, orys, aǵylshyn pánderiniń muǵalimderi kóktemgi jáne jazǵy eńbek demalystarynda úsh ailyq qaita daiarlaýdan ótetinderin aityp ótti. Aǵylshyn tili muǵalimderiniń kásibi bilikterin joǵarlatý maqsatynda sheteldik mamandar shaqyrylady.
Oblystyń barlyq mektepteri biryńǵai qazaq jáne aǵylshyn tili oqýlyqtarymen qamtamasyzdandyrylady. Mektep bitirgen túlekter Memlekettik tildi erkin meńgerýge mindettelip, soǵan qajetti metodikalyq ádisnamanyń bári jasalady. Arnaiy jumys toby bilim deńgeileri boiynsha orys tilin oqytýdyń ádistemesin de daiyndaidy.
Sabaq josparyn ońtailandyrý arqyly aǵylshyn tili pániniń saǵattary ulǵaitylady.
Arnaiy Keshendi josparda ózge pánderdiń muǵalimderin de úsh tildilikke úiretý júiesi qarastyrylǵan. Geografiia, biologiia, matematika, fizika jáne ózge pánder boiynsha aǵylshyn tilimen biriktirilgen oqý materialdary daiyndalady. Biriktirilgen materialdar túri qazaq tilinde orys synyptarynda, orys tilinde qazaq synyptarynda oqytylady. Bul qazaq tilin úirenýdi jedeldetedi.
Keshendi jospardy júzege asyrý qorytyndysy boiynsha sóileý, jazý, estý, tyńdaý sekildi til daǵdylyǵyn qalyptastyrýdyń múmkindigi týady.
Zeinolla Abajanov
