Naýryz aiynan bastap Shyǵys Qazaqstan oblysynyń tórt aýdanynda jumys kestesi ózgerdi,- dep habarlaidy Dalanews.kz
Endi Tarbaǵatai, Zaisan, Kúrshim jáne Samar aýdandarynyń turǵyndary jumysty tańǵy 08:00-de bastap, 17:30-da aiaqtaidy. Túski úzilis 12:00-den 13:30-ǵa deiin belgilengen.
Bul jańashyldyq óńirdiń tabiǵi erekshelikterimen – erte tań atyp, kúnniń erte batýymen bailanysty. Jańa keste turǵyndarǵa kúndizgi jaryqty tiimdi paidalaný múmkindigin beredi. Ózgerister mektepterge, balabaqshalarǵa jáne meditsinalyq mekemelerge áser etpeidi, sebebi olar buǵan deiin osy keste boiynsha jumys istep kelgen.
Zaisan aýdanynyń ákimi Aelita Ahmetsəlimqyzy bul sheshim jergilikti turǵyndardyń pikiri eskerile otyryp qabyldanǵanyn atap ótti.
"Bul sheshimdi qabyldamas buryn, biz ár aýyldyq okrýgte jinalystar ótkizdik, turǵyndar bul bastamany qoldady. Sebebi, Zaisan aýdany Shyǵys Qazaqstan oblysynyń shyǵys shekarasyna eń jaqyn ornalasqan, sondyqtan bizde kún erte shyǵady, iaǵni jaryq kún de erte bastalady. Sol sebepti, jumys kúniniń 08:00-de bastalyp, 17:30-da aiaqtalǵany halyq úshin áldeqaida qolaily – jumystan keiin úi sharýasyna, balalarǵa jáne jaqyndaryna kóbirek ýaqyt qalady", – dedi Zaisan aýdanynyń ákimi Aelita Ahmetsəlimqyzy.
Samar aýdanynyń ortalyq kitaphana direktory Gýlmira Bakirgalova da bul jańashyldyqty oń baǵalady.
"Biz buǵan deiin de osyndai jumys kestesiniń qajettiligi týraly aityp júrgen edik. Endi qys mezgilinde jumysty erterek aiaqtaýǵa, al jazda ýaqytty tiimdirek bólýge múmkindik bolady", – dep bólisti kitaphana direktory.
Jańa jumys tártibin engizbes buryn jergilikti bilik ókilderi turǵyndarmen kezdesýler ótkizip, olar bul bastamany biraýyzdan qoldady.
Buǵan deiin, jyl basynan beri, oblystyń taǵy úsh aýdanynda osyndai jumys rejimi engizilgen bolatyn. Qańtar aiynda Katonqaraǵai aýdany jańa kestege kóshse, aqpanda Úlken Naryn jáne Marqakól aýdandarynda da osy tártip ornady.
