Shyǵys Qazaqstannyń kásiporyndary syrtqy saýdany belsendi túrde damytýda. Samarqandta ótken IV «Ózbekstan — Qazaqstan» óńiraralyq forýmy aiasynda qazaqstandyq mai zaýyttary men ózbek kompaniialary arasynda kúnbaǵys maiyn jetkizý týraly kelisimderge qol qoiyldy.
Jalpy kelisimshart somasy 12 million AQSh dollaryn qurady. Bul týraly Shyǵys Qazaqstan oblysy aýyl sharýashylyǵy basqarmasy málimdedi.
Sonymen, «Altyn Shyǵys» JShS ózbekstandyq «Pet Agro Oil» SP JShQ-men 10 million AQSh dollaryna kelisimshart jasady, al «OskemenAgroProdukt» JShS «TEXNO SERVIS SAM» JShQ-men 2 million AQSh dollaryna kelisimge keldi.
– Dástúrli túrde Shyǵys Qazaqstan oblysy kúnbaǵys maiynyń iri óndirýshisi bolyp tabylady. Oblysta jalpy óńdeý qýattylyǵy jylyna 800 myń tonnany quraityn 12 kásiporyn jumys isteidi. Biyl jańa «Altaimai» zaýyty iske qosylýda. Bul óńirdegi zaýyttardyń qýattylyǵyn jylyna shamamen 1 million tonnaǵa deiin arttyrýǵa múmkindik beredi, — dedi basqarma basshysy Ajar Qajybekova.
Onyń aitýynsha, shyǵysqazaqstandyq kásiporyndardyń júktemesi 67%-dy quraidy. Biylǵy jyly jalpy ónim 400 myń tonna, gektaryna 19 tsentnerden astam ónim jinaý kútilýde.
Esterińizge sala keteiik, osy jyldyń basynda otandyq óndirýshiler Qytai Halyq Respýblikasynda da osyndai kelisimderge qol qoiǵan bolatyn.
Qol qoiylǵan kelisimsharttar Shyǵys Qazaqstannyń mai zaýyttaryna eksport kólemin arttyryp, aimaqtyq naryqtardaǵy óz pozitsiialaryn nyǵaitýǵa múmkindik beredi.
