Sankt-Peterbýrg halyqaralyq ekonomikalyq forýmy – 2025 aiasynda Shyǵys Qazaqstan oblysynyń ákimi Nurymbet Saqtaǵanov pen Tver oblysynyń gýbernatory Igor Rýdenia iskerlik kezdesý ótkizdi. Taraptar ekijaqty yntymaqtastyqty nyǵaitý jáne óńirler arasyndaǵy jańa memorandýmǵa qol qoiý máselesin talqylady,- dep habarlaidy Dalanews.kz
Kezdesý barysynda Nurymbet Saqtaǵanov Resei aimaqtarymen turaqty bailanystardyń mańyzdylyǵyn atap ótti. Onyń aitýynsha, ShQO-nyń syrtqy saýda ainalymynyń shamamen 26%-y Resei Federatsiiasyna tiesili. Bul kórsetkish 2024 jyldyń qorytyndysy boiynsha 1,2 milliard AQSh dollaryn qurady.
– Biz memorandýmǵa qol qoiý eki óńir arasyndaǵy saýda-ekonomikalyq jáne investitsiialyq bailanystardy jandandyryp, taýar ainalymy men ózara investitsiia kóleminiń aitarlyqtai ósýine yqpal etedi dep senemiz, – dedi óńir basshysy.
Óńiraralyq yntymaqtastyqtyń jańa kezeńi biyl sáýir aiynda QR Parlamenti Senaty men RF Federatsiia Keńesi arasyndaǵy komissiianyń 23-otyrysynda egjei-tegjeili talqylanǵan bolatyn.
Kezdesý sońynda ShQO ákimi Nurymbet Saqtaǵanov Tver oblysynyń gýbernatoryn 10 qyrkúiekte ótetin «Altai Invest – 2025» halyqaralyq investitsiialyq forýmyna qatysýǵa shaqyrdy. Forým barysynda óńirdiń investitsiialyq tartymdylyǵy, mádeni jáne óndiristik áleýeti tanystyrylady.
– Bizdiń áriptestigimiz ózara tiimdi ári nátijeli bolady dep senemin, – dedi Nurymbet Saqtaǵanov, kezdesý joǵary deńgeide uiymdastyrylǵany úshin alǵysyn bildire otyryp.
