Shyǵys Qazaqstan jáne Abaı oblystarynda 530 paıdaly qazbalar ken orny memlekettik teńgerimge engizilgen, – dep habarlaıdy Dalanews.kz
Qazaqstanda elimizdiń mıneraldyq-shıkizat bazasyn tolyqtyrý maqsatynda geologıalyq barlaýdy damytýǵa erekshe kóńil bólinýde. Prezıdent Qasym-Jomart Toqaevtyń 2026 jylǵa qaraı geologıalyq-geofızıkalyq barlaý alańyn keminde 2,2 mln sh.sh. deıin ulǵaıtý týraly tapsyrmasyn oryndaý maqsatynda úkimet ınvestısıalyq ahýaldy jaqsartý, jer qoınaýyn paıdalaný salasyndaǵy zańnamany jetildirý jáne jańa tehnologıalardy engizý boıynsha jumys júrgizýde. Atap aıtqanda, jańa paıdaly qazbalar ken oryndaryn izdeý boıynsha boljaý jáne aýdıt jumystary júrgizilýde. Burǵylaý jumystary burǵylaý qajettiligin geologıalyq negizdegennen keıin júrgiziledi.
Búgingi tańda «Kazakhmys Barlau» JSHS Greenfield jobasy aıasynda Abaı aýdanynda burǵylaý jumystaryn júrgizýde. Jalpy josparlanǵan burǵylaý kólemi 3 000 jel.m. quraıdy.
«Vostokznedra» OD usynǵan málimetterge sáıkes, Shyǵys Qazaqstan jáne Abaı oblystarynyń aýmaǵynda jalpy sany 530 ken jáne metal emes ken oryndary memlekettik teńgerimge engizilgen. Onyń 142-si – kendi paıdaly qazbalar, onyń ishinde 73 – asyl metaldar, 44 – tústi metaldar, 19 – sırek metaldar, 6 – qara metaldar jáne osynshama janǵysh paıdaly qazbalar ken oryndary bar. 382 ken orny – kendi emes paıdaly qazbalarǵa jatady, onyń ishinde 270 obekt jer qoınaýyn paıdalanýdan bos.
2024 jyly 6 ken orny alǵash ret memlekettik teńgerimge engizildi, Shyǵys Qazaqstan oblysynda 3 ken orny – Rıdder myrysh zaýytynyń (RMZ) ónerkásiptik alańy janyndaǵy klınker úıindisi, Kýlýdjýn ózen ańǵaryndaǵy shógindi, Ertis mys qorytý zaýytynyń № 1, 2, 3 jáne 5 úıindileri, Abaı aýdanyndaǵy 3 – Tuz, TMO Ortalyq Muqyr jáne Vavılonskoe.
