Jumysshy mamandyqtar jyly aiasynda Shyǵys Qazaqstan oblysynda is-sharalar jospary bekitilip, soǵan sáikes 2025–2026 jańa oqý jylynda jańa mamandyqtar ashylady. Olardyń qatarynda ushqyshsyz áýe júieleri, áýe tasymaldaryn uiymdastyrý, logistika, sý kóligin paidalaný jáne basqa da baǵyttar bar,- dep habarlaidy Dalanews.kz
Atalǵan mamandyqtarǵa 290 memlekettik bilim berý tapsyrysy bólindi.
Tehnikalyq jáne kásiptik bilim (TjKB) júiesinde qoljetimdilik pen sapany qamtamasyz etý maqsatynda oblysta 38 kolledj jumys isteidi. Olar 101 mamandyq boiynsha kadrlar daiarlaýda. Qazirgi ýaqytta kolledjderde 19 myńnan astam stýdent oqidy, onyń ishinde 16 747 stýdent (83,8%) memlekettik tapsyrys esebinen bilim alýda.
Óńir kolledjderi 900-den astam kásiporynmen áriptestik ornatqan. Kásiporyndardyń suranysy boiynsha 2575 stýdent memlekettik tapsyrys aiasynda maqsatty daiarlyqtan ótýde.
Búgingi kúnge deiin olardyń 306-sy oqýyn támamdady, 271-i (88%) turaqty jumyspen qamtyldy. Sonymen qatar, kadr daiarlaý 27 kolledjde 448 kásiporynnyń qatysýymen dýaldi oqytý arqyly júzege asyrylyp, 5 myń stýdentti qamtyp otyr.
Jańa oqý jylynda segiz kolledjdiń materialdyq-tehnikalyq bazasy jańartylyp, zamanaýi qural-jabdyqtar jetkizildi. Olar: Óskemen qurylys-tehnikalyq kolledji, Óskemen joǵary politehnikalyq kolledji, Óskemen kópsalaly tehnologiialyq kolledji, ShQ kópsalaly kolledji, Tehnologiia jáne servis kolledji, Glýbokoe agrarlyq kolledji, Samar agrarlyq-tehnikalyq kolledji, Úlken Naryn kolledji.
2025–2026 oqý jylyna stýdentterdi tegin oqytýǵa arnalǵan memlekettik tapsyrys 7130 oryndy qurady, bul ótken jylmen salystyrǵanda 7%-ǵa artty. Onyń ishinde 980 oryn jumys berýshilerdiń suranysy negizinde maqsatty daiarlyqqa bólindi. Qujat qabyldaý 27 tamyzda aiaqtalady.
Oqýshylarǵa kásibi baǵdar berýdi qoldaý maqsatynda oblysta túrli sharalar ótkizilýde.
Atap aitqanda, mektep oqýshylary mamandyqtarmen oblystyq «My PRO» kásipter festivali, «StartProfi-Shygys» stend-moby, «Pýtevoditel» baǵdarlamasy boiynsha kýrstar, kásiporyndarǵa ekskýrsiialar, ashyq esik kúnderi jáne jazǵy lagerler arqyly tanysýǵa múmkindik aldy.
