Shyǵys Qazaqstan oblysynyń ákimi Nurymbet Saqtaǵanov Katonqaraǵai aýdany týrizmdi damytýda úlken áleýetke ie ekenin atap ótti,- dep habarlaidy Dalanews.kz
«Katonqaraǵai aýdany úshin geografiialyq erekshelikterdi eskere otyryp, ekonomikany ártaraptandyrý baǵytyndaǵy negizgi basymdyq – týrizm. Bul sala shaǵyn jáne orta biznesti damytýǵa serpin berip, halyqty ónimdi ári joǵary tabysty jumyspen qamtamasyz etedi», – dedi oblys ákimi.
Biyl Katonqaraǵai aýdanynda týrizm salasynda bes joba júzege asyrylýda:
Aqsharbaq aýylyndaǵy «Verh-Katýn» pantamen emdeý ortalyǵyn keńeitý;
- Arshaty aýylynda «Altay Resort» kýrorttyq kesheniniń qurylysy;
- Katonqaraǵai aýylynda «Altay Terra Resort» týristik keshenin salý;
- Uryl aýylynda «Muztaý» ekoqonaq úiiniń meiramhanasyn salý;
- Topqaiyń aýylynda «Qaton Qaragai Resort&SPA» demalys bazasyn keńeitý.
Maýsym aiynda Katonqaraǵai aýdanynda «Altai – túrki áleminiń altyn besigi» halyqaralyq mýzykalyq festivali ótti. Is-sharaǵa 10 myńnan astam týrist qatysty. Qatysýshylardyń 80%-dan astamy elimizdiń basqa óńirleri men Resei, Túrkiia, Ózbekstan, Qyrǵyzstan, Mońǵoliia, Túrikmenstan, Ázerbaijan syndy shet memleketterden kelgen bolatyn.
Ótken jyly Katonqaraǵai aýylynda jeke investitsiia esebinen «Qaratai», «Ulnaz» qonaq úileriniń qyzmeti keńeitilip, «Baian» ǵimaraty qonaq úi retinde qaita jańǵyrtyldy, Sogornoe aýylyndaǵy jolairyqta kemping salyndy, Belqaraǵai aýylyndaǵy «Baian» pantaien emdeý ortalyǵy keńeitildi.
2026 jyly «Tor’re Altay Invest» JShS-niń 120 oryndyq «Wellness Resort» sanatorii-saýyqtyrý kesheniniń qurylysyn bastaý josparlanýda.
Statistikalyq derekterge sáikes, qazirgi ýaqytta aýdanda týristerge arnalǵan 50 ornalastyrý nysany tirkelgen, al ótken jyly kelýshiler sany 33,5 myń adamdy qurady.
Qazirgi ýaqytta aýdanda turaqty týristik klaster qalyptastyrý maqsatynda týrizmdi damytý boiynsha sheberlik-jospar ázirlenýde. Oblys ákimi bul qujatty 1 qyrkúiekke deiin daiyndaýdy tapsyrdy. Sonymen qatar, aýdan aýmaǵyndaǵy týristik oryndar boiynsha sanitarlyq-gigienalyq toraptar qurylysyna qatysty usynystardy 17 shildege deiin engizýdi, investitsiialyq jobalar tizbesin jasap, olardy ulttyq jáne óńirlik pýldarǵa engizý jumysyn jandandyrýdy, sondai-aq investitsiia tartý isin kúsheitýdi tapsyrdy.
«Týrizmdi damytý – bul infraqurylym, joldar, bailanys, qaýipsizdik, jol boiyndaǵy servis, tamaqtaný jáne qyzmet kórsetý sapasy. Biz bul máselelerdiń barlyǵyn júieli túrde sheship jatyrmyz», – dep qorytyndylady óńir basshysy.
