– 2023 jyly 30 eldi mekende áleýmettik jáne injenerlik infraqurylym obektilerin salý, rekonstrýktsiialaý, ortasha jáne aǵymdaǵy jóndeý jumystaryn júrgizý josparlanýda. Barlyq deńgeidegi biýdjetter esebinen 100-ge jýyq jobany iske asyrýǵa 8,2 mlrd teńgeden astam qarajat bólinedi", – dedi Eldar Týmashinov.
Sonymen qatar, "Aýyl – el besigi" jobasyn iske asyrý aiasynda 680 mln teńge somasyna Predgornoe, Vinnoe, Cheremshanka, Sekisovka aýyldaryndaǵy joldarǵa ortasha jóndeý jáne kóshe jaryǵyn ornatý jumystary júrgiziletin bolady. Budan bólek, 19 shaqyrymnan astam kentishilik joldarǵa jóndeý júrgizilip, 600-den astam kóshege jaryqtandyrý tirekteri ornatylady. Sol siiaqty, 14 aýylda jalpy somasy 186,1 mln teńgege uzyndyǵy 35,5 shaqyrym bolatyn kóshelerge aǵymdaǵy jóndeý jumystary jáne aýdandaǵy 12 aýyldyń kóshelerine jalpy somasy 127,8 mln teńgege jaryqtandyrý júrgizilýde.
– Turǵyn úi-kommýnaldyq infraqurylymdy damytý tujyrymdamasy sheńberinde aýdanda 4 jobany iske asyrý bastaldy. Iaǵni, Glýbokoe kentiniń jylý jelilerin qaita jańartý, Maloýbinka aýylynda sý qubyry jelileri men sý tartý qurylystaryn salý, Stepnoe jáne Bobrovka aýyldarynda sýmen jabdyqtaý júiesin jańǵyrtý júrgiziledi. Sonymen qatar, biyl Altai kenti men Opytnoe pole aýylyndaǵy tazartý qurylystary men kárizderin qaita jańartý boiynsha 2 jobany aiaqtaimyz, – dep tolyqtyrdy ákim.
Sondai-aq, Eldar Týmashinov 84,7 mln teńgege 8 balalar jáne sport alańdaryn ornatý jumystary júrgizilip jatqanyn jáne 79,2 mln teńgege 5 áleýmettik nysandy jóndeý josparlanǵanyn atap ótti.
Baspasóz maslihatynyń sońynda Glýbokoe aýdanynyń ákimi "Jaily mektep" ulttyq jobasyn iske asyrý aiasynda Beloýsovka kenti men Opytnoe pole aýylynda 300 oryndyq mektep salý boiynsha daiyndyq jumystary bastalǵanyn aitty.
– "Aýyldyq densaýlyq saqtaýdy jańǵyrtý" ulttyq jobasy boiynsha konkýrstyq rásimder aiaqtaldy jáne Verhneberezovskii, Praporshikovo, Sekisovka, Bobrovka aýyldarynda 4 dárigerlik ambýlatoriiany, 226 shaqyrym razezdindegi meditsinalyq pýnktti, Ývarovo aýylyndaǵy feldsherlik-ambýlatoriialyq pýnktti salý boiynsha merdigerlik uiymdar anyqtaldy. Jaqyn arada atalǵan mekemelerdiń qurylysy kezeń-kezeńimen bastalady, – dep túiindedi E. Týmashinov.
