– 2023 جىلى 30 ەلدى مەكەندە الەۋمەتتىك جانە ينجەنەرلىك ينفراقۇرىلىم وبەكتىلەرىن سالۋ، رەكونسترۋكسيالاۋ، ورتاشا جانە اعىمداعى جوندەۋ جۇمىستارىن جۇرگىزۋ جوسپارلانۋدا. بارلىق دەڭگەيدەگى بيۋدجەتتەر ەسەبىنەن 100-گە جۋىق جوبانى ىسكە اسىرۋعا 8،2 ملرد تەڭگەدەن استام قاراجات بولىنەدى"، – دەدى ەلدار تۋماشينوۆ.
سونىمەن قاتار، "اۋىل – ەل بەسىگى" جوباسىن ىسكە اسىرۋ اياسىندا 680 ملن تەڭگە سوماسىنا پرەدگورنوە، ۆيننوە، چەرەمشانكا، سەكيسوۆكا اۋىلدارىنداعى جولدارعا ورتاشا جوندەۋ جانە كوشە جارىعىن ورناتۋ جۇمىستارى جۇرگىزىلەتىن بولادى. بۇدان بولەك، 19 شاقىرىمنان استام كەنتىشىلىك جولدارعا جوندەۋ جۇرگىزىلىپ، 600-دەن استام كوشەگە جارىقتاندىرۋ تىرەكتەرى ورناتىلادى. سول سياقتى، 14 اۋىلدا جالپى سوماسى 186،1 ملن تەڭگەگە ۇزىندىعى 35،5 شاقىرىم بولاتىن كوشەلەرگە اعىمداعى جوندەۋ جۇمىستارى جانە اۋدانداعى 12 اۋىلدىڭ كوشەلەرىنە جالپى سوماسى 127،8 ملن تەڭگەگە جارىقتاندىرۋ جۇرگىزىلۋدە.
– تۇرعىن ۇي-كوممۋنالدىق ينفراقۇرىلىمدى دامىتۋ تۇجىرىمداماسى شەڭبەرىندە اۋداندا 4 جوبانى ىسكە اسىرۋ باستالدى. ياعني، گلۋبوكوە كەنتىنىڭ جىلۋ جەلىلەرىن قايتا جاڭارتۋ، مالوۋبينكا اۋىلىندا سۋ قۇبىرى جەلىلەرى مەن سۋ تارتۋ قۇرىلىستارىن سالۋ، ستەپنوە جانە بوبروۆكا اۋىلدارىندا سۋمەن جابدىقتاۋ جۇيەسىن جاڭعىرتۋ جۇرگىزىلەدى. سونىمەن قاتار، بيىل التاي كەنتى مەن وپىتنوە پولە اۋىلىنداعى تازارتۋ قۇرىلىستارى مەن كارىزدەرىن قايتا جاڭارتۋ بويىنشا 2 جوبانى اياقتايمىز، – دەپ تولىقتىردى اكىم.
سونداي-اق، ەلدار تۋماشينوۆ 84،7 ملن تەڭگەگە 8 بالالار جانە سپورت الاڭدارىن ورناتۋ جۇمىستارى جۇرگىزىلىپ جاتقانىن جانە 79،2 ملن تەڭگەگە 5 الەۋمەتتىك نىساندى جوندەۋ جوسپارلانعانىن اتاپ ءوتتى.
باسپا ءسوز ماسليحاتىنىڭ سوڭىندا گلۋبوكوە اۋدانىنىڭ اكىمى "جايلى مەكتەپ" ۇلتتىق جوباسىن ىسكە اسىرۋ اياسىندا بەلوۋسوۆكا كەنتى مەن وپىتنوە پولە اۋىلىندا 300 ورىندىق مەكتەپ سالۋ بويىنشا دايىندىق جۇمىستارى باستالعانىن ايتتى.
– "اۋىلدىق دەنساۋلىق ساقتاۋدى جاڭعىرتۋ" ۇلتتىق جوباسى بويىنشا كونكۋرستىق راسىمدەر اياقتالدى جانە ۆەرحنەبەرەزوۆسكيي، پراپورششيكوۆو، سەكيسوۆكا، بوبروۆكا اۋىلدارىندا 4 دارىگەرلىك امبۋلاتوريانى، 226 شاقىرىم رازەزدىندەگى مەديسينالىق پۋنكتتى، ۋۆاروۆو اۋىلىنداعى فەلدشەرلىك-امبۋلاتوريالىق پۋنكتتى سالۋ بويىنشا مەردىگەرلىك ۇيىمدار انىقتالدى. جاقىن ارادا اتالعان مەكەمەلەردىڭ قۇرىلىسى كەزەڭ-كەزەڭىمەن باستالادى، – دەپ تۇيىندەدى ە. تۋماشينوۆ.
