Bul topqa anesteziolog-reanimatolog, rentgenolog, pýlmonolog, dárigerler jáne juqpaly aýrýlar aýrýhanasynyń qyzmetkerleri kirdi.
Oblys ákimi Danial Ahmetov arnaiy dárigerlermen kezdesip, aldaǵy maqsat pen emdeýdiń joldary týraly talqylady.
– Shyǵys Qazaqstanda meditsinanyń damýy úshin barlyq jaǵdai jasalýda. Satyp alynǵan zamanaýi tehnikalar iske qosylyp, turǵyndarǵa qyzmet kórsetip keledi. Qazirgi indettiń aldyn alý maqsatynda sizdermen tájiribe almasyp, jaqsy kórsetkishke qol jetkizemiz degen senimdemin, – dedi Danial Ahmetov.
Kelgen mamandar 2 kún aralyǵynda aýdan jáne qala aýrýhanalarynyń dárigerlerimen onlain bailanysqa shyǵyp, keńes berip, jaǵdaimen tanysady. Keiinnen osy ai sońyna deiin ár aýdanǵa bóilinip, dárigerlerge kómektesetin bolady.
"Dárigerler tobyn Tatarstan Respýblikalyq klinikalyq aýrýhanasy meditsinalyq bólimi bastyǵynyń birinshi orynbasary Minnýlin Marsel Mansýruly basqarady, - dedi Iliias Muhamedjanov.
Shyǵys Qazaqstan oblysy densaýlyq saqtaý basqarmasynyń basshysynyń pikirinshe bul eki eldiń dárigerleri arasynda tájiribe almasý ǵana emes, sonymen qatar koronavirýstyq infektsiiany jeńýge birigip atsalyspaq. Iliias Muhamedjanovtyń aitýynsha, búgingi kúnge deiin oblysta 4087 koronavirýs aýrýy tirkelgen, onyń ishinde 2126 klinikalyq belgileri bar, 1961 jan simptomsyz túri.
– Aimaqtaryńyzda koronavirýspen kúresý úshin ókpeni jasanjy jeldetý, ottegi kontsentratorlary syndy jabdyqtar kóptep satyp alynypty. Bul durys sheshim. Jalpy eki eldiń qoldanyp otyrǵan ádis-tásilderi uqsas. Alaida sonyń ózinde birlesip jańa tájiribe jinaqtaimyz dep oilaimyn, – dedi kelgen toptyń jetekshisi, Tatarstan Respýblikasy ortalyq klinikalyq aýrýhanasy bas dárigeriniń birinshi orynbasary Marsel Minnýlin.
