QR Prezidenti Qasym-Jomart Toqaevtyń tapsyrmalaryn júzege asyrý aiasynda Úkimet rezervinen Shyǵys Qazaqstan oblysyndaǵy jylý jelilerin jóndeý-qalpyna keltirý jumystaryn júrgizýge 2,5 mlrd teńgeden astam qarjy bólindi. Premer-ministr Oljas Bektenov tiisti qaýlyǵa qol qoidy,- dep habarlaidy Dalanews.kz
Qujatqa sáikes qarajat Ridder qalasy men Q. Qaisenov kentiniń jylý jelilerinde jóndeý jumystaryn aiaqtaýǵa baǵyttalady. Bólingen qarjynyń negizgi bóligin Ridder qalasynyń jylý jelileriniń eń qatty tozǵan 5,9 km ýchaskesin kúrdeli jóndeýge jumsaý josparlanyp otyr.
Ulan aýdany Q. Qaisenov kentinde uzyndyǵy 9 km jylý jelilerin rekonstrýktsiialaýdyń ekinshi kezegin aiaqtaýǵa 113 mln teńge baǵyttaý josparlanǵan.
"Jalpy Shyǵys Qazaqstan oblysynyń eldi mekenderinde jylý jelileri 30 jyldan astam ýaqyt boiy paidalanylyp keledi. Osy kezeńde olarǵa kúrdeli rekonstrýktsiia jasalǵan joq. Tozý deńgeii orta eseppen 55%-dan, al jekelegen eldi mekenderde 75%-dan asady", - delingen Úkimet habarlamasynda.
Esterińizge sala keteiik, osy jyldyń mamyr aiynda QR Úkimetiniń rezervinen eki qazandyq agregatyn jóndeýge, №5 redýktsiialyq-salqyndatý qondyrǵysynyń tehnologiialyq úderisterin basqarýdyń avtomattandyrylǵan júiesin engizýge, sondai-aq Ridder qalasynyń JEO-nyń óz qajettilikterin qamtamasyz etetin elektrotehnikalyq jabdyqtyń bir bóligin aýystyrýǵa shamamen 1,7 mlrd teńge bólindi.
Sońǵy eki jylda qalada jóndeý jumystary tótenshe jaǵdaida jáne JEO-ny tezirek iske qosý jáne jylý jelilerin jóndeý qajettiliginde júrgizildi. Jedel áreket etýdiń arqasynda eki jyl ishinde tozý 82%-dan 66,8%-ǵa deiin tómendedi.
