Shyǵys Qazaqstan oblysynda erekshe qamqorlyqty qajetsinetin balalarǵa qyzmet kórsetetin eki balalar ortalyǵy jumys isteidi. Olardyń biri Óskemende ornalassa, ekinshisi Úrjarda jumys isteidi. Eki mekemede de kásibi biliktiligi joǵary mamandar balalarǵa qyzmet kórsetedi.
– Memleketimiz Táýelsizdigin alǵan kúnnen bastam elimizdegi airyqsha qamqorlyqty qajetsinetin adamdarǵa kómek kórsetýdi jaýapkershiligine aldy. Mine, sodan beri bul baǵyttaǵy jumystyń sapasyn arttyryp keledi. Óz basym osy salada uzaq jyldan beri jumys istegen maman retinde Táýelsizdik jyldary áleýmettik salada kóptegen jumystar atqaryldy dep nyq senimmen aita alamyn, – deidi Óskemen qalasyndaǵy «Ýlba» halyqqa áleýmettik kómek kórsetý ortalyǵynyń direktory Sániia Áýbákirova.
Aitsa aitqandai Óskemendegi «Ýlba» halyqqa áleýmettik kómek kórsetý ortalyǵy elimiz Táýelsizdik alǵannan keiin, 1992 jyly qurylyp, sodan beri erekshe qamqorlyqqa muqtaj jandarǵa kómek kórsetýde.
O basta bul mekeme az qamtylǵan zeinetkerlerge qyzmet kórsetetin bólim bolǵan. Elimizdiń jaǵdaiy jaqsarǵan sátte ortalyqtyń da jumysy jandanyp, muqtaj jandarǵa qyzmet kórsetýdiń aýqymy keńeie túsken. Búginde «Ýlba» bilikti mamandardyń basyn qosqan irgeli ortalyqqa ainalyp otyr.
«Ýlba» halyqqa áleýmettik kómek kórsetý ortalyǵy qaladaǵy jalǵyzbasty adamdarǵa da qyzmet kórsetedi. Búginde ortalyqta 224 qyzmetker jumys istese, olardyń 132-i áleýmettik qyzmetker. Sániia Áýbákirova árbir áleýmettik qyzmetker 8-9 zeinetkerge qyzmet kórsetetin alǵa tartty.
Ortalyqta bilikti defektolog, logoped, psiholog, terapevt, pediatr, fizioterapevt erekshe qamqorlyqty qajetsinetin balalarǵa da qyzmet kórsetetinin aita ketýimiz kerek. Budan basqa ortalyqta emdik dene shynyqtyrý jattyǵýlary júrgiziledi. Ortalyqqa kelip em qabyldaityn balalarǵa tegin tamaqpen qamtylǵan. Mamandar árbir balaǵa kóńil bólip, saýyqtyrýdyń josparyn daiyndaidy. Qazirgi tańda ortalyqtyń qyzmetin 30 eresek, 39 jas jetkinshekter paidalanady.
