شىعىس قازاقستان وبلىسىندا ەرەكشە قامقورلىقتى قاجەتسٸنەتٸن بالالارعا قىزمەت كٶرسەتەتٸن ەكٸ بالالار ورتالىعى جۇمىس ٸستەيدٸ. ولاردىڭ بٸرٸ ٶسكەمەندە ورنالاسسا, ەكٸنشٸسٸ ٷرجاردا جۇمىس ٸستەيدٸ. ەكٸ مەكەمەدە دە كەسٸبي بٸلٸكتٸلٸگٸ جوعارى ماماندار بالالارعا قىزمەت كٶرسەتەدٸ.
– مەملەكەتٸمٸز تەۋەلسٸزدٸگٸن العان كٷننەن باستام ەلٸمٸزدەگٸ ايرىقشا قامقورلىقتى قاجەتسٸنەتٸن ادامدارعا كٶمەك كٶرسەتۋدٸ جاۋاپكەرشٸلٸگٸنە الدى. مٸنە, سودان بەرٸ بۇل باعىتتاعى جۇمىستىڭ ساپاسىن ارتتىرىپ كەلەدٸ. ٶز باسىم وسى سالادا ۇزاق جىلدان بەرٸ جۇمىس ٸستەگەن مامان رەتٸندە تەۋەلسٸزدٸك جىلدارى ەلەۋمەتتٸك سالادا كٶپتەگەن جۇمىستار اتقارىلدى دەپ نىق سەنٸممەن ايتا الامىن, – دەيدٸ ٶسكەمەن قالاسىنداعى «ۋلبا» حالىققا ەلەۋمەتتٸك كٶمەك كٶرسەتۋ ورتالىعىنىڭ ديرەكتورى سەنييا ەۋبەكٸروۆا.
ايتسا ايتقانداي ٶسكەمەندەگٸ «ۋلبا» حالىققا ەلەۋمەتتٸك كٶمەك كٶرسەتۋ ورتالىعى ەلٸمٸز تەۋەلسٸزدٸك العاننان كەيٸن, 1992 جىلى قۇرىلىپ, سودان بەرٸ ەرەكشە قامقورلىققا مۇقتاج جاندارعا كٶمەك كٶرسەتۋدە.
و باستا بۇل مەكەمە از قامتىلعان زەينەتكەرلەرگە قىزمەت كٶرسەتەتٸن بٶلٸم بولعان. ەلٸمٸزدٸڭ جاعدايى جاقسارعان سەتتە ورتالىقتىڭ دا جۇمىسى جاندانىپ, مۇقتاج جاندارعا قىزمەت كٶرسەتۋدٸڭ اۋقىمى كەڭەيە تٷسكەن. بٷگٸندە «ۋلبا» بٸلٸكتٸ مامانداردىڭ باسىن قوسقان ٸرگەلٸ ورتالىققا اينالىپ وتىر.
«ۋلبا» حالىققا ەلەۋمەتتٸك كٶمەك كٶرسەتۋ ورتالىعى قالاداعى جالعىزباستى ادامدارعا دا قىزمەت كٶرسەتەدٸ. بٷگٸندە ورتالىقتا 224 قىزمەتكەر جۇمىس ٸستەسە, ولاردىڭ 132-ٸ ەلەۋمەتتٸك قىزمەتكەر. سەنييا ەۋبەكٸروۆا ەربٸر ەلەۋمەتتٸك قىزمەتكەر 8-9 زەينەتكەرگە قىزمەت كٶرسەتەتٸن العا تارتتى.
ورتالىقتا بٸلٸكتٸ دەفەكتولوگ, لوگوپەد, پسيحولوگ, تەراپەۆت, پەدياتر, فيزيوتەراپەۆت ەرەكشە قامقورلىقتى قاجەتسٸنەتٸن بالالارعا دا قىزمەت كٶرسەتەتٸنٸن ايتا كەتۋٸمٸز كەرەك. بۇدان باسقا ورتالىقتا ەمدٸك دەنە شىنىقتىرۋ جاتتىعۋلارى جٷرگٸزٸلەدٸ. ورتالىققا كەلٸپ ەم قابىلدايتىن بالالارعا تەگٸن تاماقپەن قامتىلعان. ماماندار ەربٸر بالاعا كٶڭٸل بٶلٸپ, ساۋىقتىرۋدىڭ جوسپارىن دايىندايدى. قازٸرگٸ تاڭدا ورتالىقتىڭ قىزمەتٸن 30 ەرەسەك, 39 جاس جەتكٸنشەكتەر پايدالانادى.
