Shyǵys Qazaqstan oblysy Kúrshim aýdanynda qar jaýyp, tabiǵi sipattaǵy tótenshe jaǵdai rejimi jariialandy, - dep habarlaidy Dalanews.kz tilshisi "Adyrna" ulttyq portalyna silteme jasap.
7 qańtardan bastap Kúrshim aýdanynda qalyń qar men boran basylmai tur. Sinoptikterdiń aitýynsha, keibir jerlerde qardyń qalyńdyǵy eki metrge jetedi. ShQO ákimdiginiń baspasóz qyzmetiniń málimetinshe, kólik qatynasy da toqtaǵan.
Aýa raiyna bailanysty búgin aýdanǵa azyq-túlik, qajet zattar men dári-dármekter tikushaq jiberildi.
"Jaǵdai jergilikti atqarýshy organdardyń baqylaýynda", - dep jazylǵan ShQO ákimdigi habarlamasynda.
ShQO Kólik jáne avtomobil joldary basqarmasynyń málimetinshe, Kúrshim aýdanyna qosymsha tehnika jiberilgen. 20-dan asa arnaiy tehnika jumyldyryldy.
Aita keteiik, Marqakól aýdanynda da aýa raiy qolaisyz. Jergilikti turǵyndar qar qursaýynda qalyp qoiǵan attarynan aiyrylyp qala jazdaǵan.
