شىعىس قازاقستان وبلىسى كۇرشىم اۋدانىندا قار جاۋىپ، تابيعي سيپاتتاعى توتەنشە جاعداي رەجيمى جاريالاندى، - دەپ حابارلايدى Dalanews.kz ءتىلشىسى "ادىرنا" ۇلتتىق پورتالىنا سىلتەمە جاساپ.
7 قاڭتاردان باستاپ كۇرشىم اۋدانىندا قالىڭ قار مەن بوران باسىلماي تۇر. سينوپتيكتەردىڭ ايتۋىنشا، كەيبىر جەرلەردە قاردىڭ قالىڭدىعى ەكى مەترگە جەتەدى. شقو اكىمدىگىنىڭ باسپا ءسوز قىزمەتىنىڭ مالىمەتىنشە، كولىك قاتىناسى دا توقتاعان.
اۋا رايىنا بايلانىستى بۇگىن اۋدانعا ازىق-تۇلىك، قاجەت زاتتار مەن دارى-دارمەكتەر تىكۇشاق جىبەرىلدى.
"جاعداي جەرگىلىكتى اتقارۋشى ورگانداردىڭ باقىلاۋىندا"، - دەپ جازىلعان شقو اكىمدىگى حابارلاماسىندا.
شقو كولىك جانە اۆتوموبيل جولدارى باسقارماسىنىڭ مالىمەتىنشە، كۇرشىم اۋدانىنا قوسىمشا تەحنيكا جىبەرىلگەن. 20-دان اسا ارنايى تەحنيكا جۇمىلدىرىلدى.
ايتا كەتەيىك، مارقاكول اۋدانىندا دا اۋا رايى قولايسىز. جەرگىلىكتى تۇرعىندار قار قۇرساۋىندا قالىپ قويعان اتتارىنان ايىرىلىپ قالا جازداعان.
