Shyǵys Qazaqstan oblysynda sý tasqynyn boljaý júiesi ázirlenip jatyr, dep habarlaidy Dalanews.kz KAZINFORM- ǵa silteme jasap.
Jańa jobanyń maqsaty – óńirdegi sý tasqyny jaǵdaiyn baqylaýdyń tiimdiligin arttyrý. Aýmaqtardy sý basýyna monitoring júrgizý men boljaýdy qamtamasyz etý ádisterin qamtityn taldamalyq júie ázirlenbek.
«Sý tasqyny kezeńinde Shyǵys Qazaqstan oblysynyń ózenderinde sý deńgeii kóterilip, aýyldardy, turǵyn úilerdi sý basý qaýpi týyndaidy. Sondyqtan aldymyzda maýsymdyq sý tasqynyn boljaýǵa múmkindik beretin júie ázirleý mindeti turdy. D. Serikbaev atyndaǵy ShQTÝ-da joǵaryda atalǵan jobany qurý úshin ózen gidravlikasy men sý basý aimaqtaryn modeldeýdi, zamanaýi geoaqparattyq júielerdi, qaýipti obektilerdi, infraqurylymdy, mekemelerdi, turǵyn úilerdi, relefti jáne meteojaǵdailardy egjei-tegjeili kartografiialyq bailanystyrýdy paidalanǵan zertteýshiler toby jasaldy. Jumystar jalǵasýda», - deidi Aqparattyq tehnologiialar salasyndaǵy quzyretter jáne tehnologiialar transferi ortalyǵynyń basshysy Rýslan Chettikbaev.
ShQO TJD tótenshe jaǵdailardyń aldyn alý basqarmasynyń bastyǵy Arman Naýryzbaevtyń aitýynsha, JOO ǵalymdarymen ózara is-qimyl týraly memorandýmǵa qol qoiylǵan.
«Bolashaqta táýekelderdi eskere otyryp sý tasqynynyń aldyn alý maqsatyndaǵy sharalardy qabyldaýǵa múmkindik beretin tehnologiiany damytyp, belsendi yntymaqtastyq ornatamyz degen senimdemin. Júieni jaqsartý úshin meteorologiialyq derekterdi iske qosýdy josparlanǵan», - dedi ol.
