شقو-دا سۋ تاسقىنىن بولجاۋ جۇيەسى ازىرلەنىپ جاتىر

Dalanews 09 ءساۋ. 2024 20:20 1431

شىعىس قازاقستان وبلىسىندا سۋ تاسقىنىن بولجاۋ جۇيەسى ازىرلەنىپ جاتىر، دەپ حابارلايدى Dalanews.kz KAZINFORM- عا سىلتەمە جاساپ.

جاڭا جوبانىڭ ماقساتى – وڭىردەگى سۋ تاسقىنى جاعدايىن باقىلاۋدىڭ تيىمدىلىگىن ارتتىرۋ. اۋماقتاردى سۋ باسۋىنا مونيتورينگ جۇرگىزۋ مەن بولجاۋدى قامتاماسىز ەتۋ ادىستەرىن قامتيتىن تالدامالىق جۇيە ازىرلەنبەك.

«سۋ تاسقىنى كەزەڭىندە شىعىس قازاقستان وبلىسىنىڭ وزەندەرىندە سۋ دەڭگەيى كوتەرىلىپ، اۋىلداردى، تۇرعىن ۇيلەردى سۋ باسۋ ءقاۋپى تۋىندايدى. سوندىقتان الدىمىزدا ماۋسىمدىق سۋ تاسقىنىن بولجاۋعا مۇمكىندىك بەرەتىن جۇيە ازىرلەۋ مىندەتى تۇردى. د. سەرىكبايەۆ اتىنداعى شقتۋ-دا جوعارىدا اتالعان جوبانى قۇرۋ ءۇشىن وزەن گيدراۆليكاسى مەن سۋ باسۋ ايماقتارىن مودەلدەۋدى، زاماناۋي گەواقپاراتتىق جۇيەلەردى، ءقاۋىپتى وبەكتىلەردى، ينفراقۇرىلىمدى، مەكەمەلەردى، تۇرعىن ۇيلەردى، رەلەفتى جانە مەتەوجاعدايلاردى ەگجەي-تەگجەيلى كارتوگرافيالىق بايلانىستىرۋدى پايدالانعان زەرتتەۋشىلەر توبى جاسالدى. جۇمىستار جالعاسۋدا»، - دەيدى اقپاراتتىق تەحنولوگيالار سالاسىنداعى قۇزىرەتتەر جانە تەحنولوگيالار ترانسفەرى ورتالىعىنىڭ باسشىسى رۋسلان چەتتىكبايەۆ.

شقو تجد توتەنشە جاعدايلاردىڭ الدىن الۋ باسقارماسىنىڭ باستىعى ارمان ناۋرىزبايەۆتىڭ ايتۋىنشا، جوو عالىمدارىمەن ءوزارا ءىس-قيمىل تۋرالى مەموراندۋمعا قول قويىلعان.

«بولاشاقتا تاۋەكەلدەردى ەسكەرە وتىرىپ سۋ تاسقىنىنىڭ الدىن الۋ ماقساتىنداعى شارالاردى قابىلداۋعا مۇمكىندىك بەرەتىن تەحنولوگيانى دامىتىپ، بەلسەندى ىنتىماقتاستىق ورناتامىز دەگەن سەنىمدەمىن. جۇيەنى جاقسارتۋ ءۇشىن مەتەورولوگيالىق دەرەكتەردى ىسكە قوسۋدى جوسپارلانعان»، - دەدى ول.


ۇسىنىلعان
سوڭعى جاڭالىقتار