Amanzholov University-de saiasi qýǵyn-súrgin qurbandaryn eske alý úshin Óskemen pedagogikalyq kolledjiniń túlekteri jinaldy. 35 jyl buryn osy oqý ornynyń on alty jasar 28 stýdenti Máskeýdiń Qazaqstannyń birinshi basshysy bolyp Gennadii Kolbindi taǵaiyndaý týraly sheshimine qarsy shyqqan myńdaǵan jastarǵa ún qosty.
Jeltoqsan oqiǵasyna qatysýshy Ainash Shyńǵalieva taiaýda ǵana saiasi qýǵyn-súrgin qurbandaryn aqtaý týraly qujat alyp, jinalǵandarǵa sol kezdegi bilikten qalai qysym kórgenin aityp berdi.
Kezdesý barysynda qonaqtar ózderiniń kýrstas qurbylary Sábira Muhamedjanovany eske aldy. Qysymǵa tótep bere almai Sábira Táýelsizdik jolynda qurban bolǵan bozdaq.
– Men bul sýyq kezeńdi máńgi este saqtaimyn. Qazirgi jastarǵa qarap, men ózimniń stýdenttik kezimdi esime alyp, kózime jas keldi. Bizdiń qatarlastar kezinde óz pikirin bildirgisi kelgenine esh ókinbeidi. Bizdiń kýrstasymyz saiasi qýǵyn-súrginniń alǵashqy qurbandarynyń biri. Ol ádilettilik jolynda qurban boldy. Quqyq qorǵaý organdary qyzmetkerleri onyń ata-anasynan jaýap alyp, olarǵa úlken qysym kórsetti. Osynyń bárin este alý óte qiyn. Biz elimizdiń táýelsizdigin qalai alǵanyn árdaiym este ustaýymyz kerek, – deidi aqtalǵan Jeltoqsan oqiǵasyna qatysýshy, búginde №1 orta mekteptiń bastaýysh synyp muǵalimi Raýshan Darybaeva.
Sondai-aq, kezdesýge kelgen qonaqtar oqý bitirgennen keiin Jeltoqsan aiyndaǵy jappai narazylyqtyń basqa da qatysýshylary uzaq ýaqyt jumysqa ornalasa almaǵandaryn atap ótti. Sondyqtan olar búgingi jastardan Táýelsizdiktiń qalai qandy jolmen kelgendigin máńgi este saqtaýdy surady.
