Amanzholov University-دە ساياسي قۋعىن-سۇرگىن قۇرباندارىن ەسكە الۋ ءۇشىن وسكەمەن پەداگوگيكالىق كوللەدجىنىڭ تۇلەكتەرى جينالدى. 35 جىل بۇرىن وسى وقۋ ورنىنىڭ ون التى جاسار 28 ستۋدەنتى ماسكەۋدىڭ قازاقستاننىڭ ءبىرىنشى باسشىسى بولىپ گەنناديي كولبيندى تاعايىنداۋ تۋرالى شەشىمىنە قارسى شىققان مىڭداعان جاستارعا ءۇن قوستى.
جەلتوقسان وقيعاسىنا قاتىسۋشى ايناش شىڭعالييەۆا تاياۋدا عانا ساياسي قۋعىن-سۇرگىن قۇرباندارىن اقتاۋ تۋرالى قۇجات الىپ، جينالعاندارعا سول كەزدەگى بيلىكتەن قالاي قىسىم كورگەنىن ايتىپ بەردى.
– ول كەزدە بىزدە 28 ادام بولدى. الماتىدا بولىپ جاتقان وقيعالاردى بىلە تۇرا ءبىز دە وسى نارازىلىقتى قولداعىمىز كەلدى، – دەپ ەسكە الادى ايناش شىڭعالييەۆا. – ءبىز نارازىلىققا بارماس ءۇشىن نە ىستەلمەدى؟! ءماجىلىس زالىندا، جاتاقحانادا قامالدىق. بىزگە باقىلاۋ قاتتى بولدى. ءبىز نەبارى ون التى جاستا ەدىك قوي. اسكەري قىسىم تاۋەلسىزدىك العانعا دەيىن بولدى. بەس جىل بويى ءومىرىمىز ءۇشىن ءقاۋىپ تونگەنى راس. مىنە، 35 جىلدان كەيىن مەن ساياسي قۋعىن-سۇرگىن قۇرباندارىن اقتاۋ تۋرالى قۇجات الدىم.
كەزدەسۋ بارىسىندا قوناقتار وزدەرىنىڭ كۋرستاس قۇربىلارى ءسابيرا مۇحامەدجانوۆانى ەسكە الدى. قىسىمعا توتەپ بەرە الماي ءسابيرا تاۋەلسىزدىك جولىندا قۇربان بولعان بوزداق.
– مەن بۇل سۋىق كەزەڭدى ماڭگى ەستە ساقتايمىن. قازىرگى جاستارعا قاراپ، مەن ءوزىمنىڭ ستۋدەنتتىك كەزىمدى ەسىمە الىپ، كوزىمە جاس كەلدى. ءبىزدىڭ قاتارلاستار كەزىندە ءوز پىكىرىن بىلدىرگىسى كەلگەنىنە ەش وكىنبەيدى. ءبىزدىڭ كۋرستاسىمىز ساياسي قۋعىن-سۇرگىننىڭ العاشقى قۇرباندارىنىڭ ءبىرى. ول ادىلەتتىلىك جولىندا قۇربان بولدى. قۇقىق قورعاۋ ورگاندارى قىزمەتكەرلەرى ونىڭ اتا-اناسىنان جاۋاپ الىپ، ولارعا ۇلكەن قىسىم كورسەتتى. وسىنىڭ ءبارىن ەستە الۋ وتە قيىن. ءبىز ەلىمىزدىڭ تاۋەلسىزدىگىن قالاي العانىن ءاردايىم ەستە ۇستاۋىمىز كەرەك، – دەيدى اقتالعان جەلتوقسان وقيعاسىنا قاتىسۋشى، بۇگىندە №1 ورتا مەكتەپتىڭ باستاۋىش سىنىپ ءمۇعالىمى راۋشان دارىبايەۆا.
سونداي-اق، كەزدەسۋگە كەلگەن قوناقتار وقۋ بىتىرگەننەن كەيىن جەلتوقسان ايىنداعى جاپپاي نارازىلىقتىڭ باسقا دا قاتىسۋشىلارى ۇزاق ۋاقىت جۇمىسقا ورنالاسا الماعاندارىن اتاپ ءوتتى. سوندىقتان ولار بۇگىنگى جاستاردان تاۋەلسىزدىكتىڭ قالاي قاندى جولمەن كەلگەندىگىن ماڭگى ەستە ساقتاۋدى سۇرادى.
