Shyǵys Qazaqstan oblysyndaǵy sheneýnikter tenderde "qalai jeńý keregin" túsindiretin qujatty baiqamai salyp jibergen, - dep habarlaidy Dalanews.kz.
"Samar-Vet" sharýashylyq júrgizý quqyǵyndaǵy memlekettik kommýnaldyq kásipornynyń qyzmetkerleri 270 myń teńgege avtokólikti saqtandyrý boiynsha konkýrs jariialaǵan bolatyn. Lottyń kúshi joiyldy, biraq ol memlekettik satyp alý portalynda áli turǵan kórinedi.
Tehnikalyq sipattamada toǵyz avtokólikti saqtandyrý týraly aitylady, sonymen qatar konkýrsta qalai jeńiske jetýge bolatyndyǵy týraly nusqaýlyq salynyp ketken.
"Boldy, kólikter týraly artyq eshteńe habarlamańyzdar: memlekettik nómiri de, kýzov nómiri de, tehpasport nómiri de aitylmasyn. Ol aitylyp ketse basqa óńirdegi, mysaly Petropavldaǵy saqtandyrýshylar da sol aqparatqa negizdelip alady. (...)
Daiyn bolǵan kezde maǵan aityńyzdar. Eki kún buryn aityp qoiǵan durys. Óz adamdarymdy eskertip úlgerýim kerek. Jumys ýaqytynda daiyn bolý kerek.
Lot nómirin kórgen kezde maǵan habaryn berińizder. Ony óz adamdaryma beremin de sizder portalǵa shyqqan kezde bizdikiler sizderdi kórýi kerek. Bárin men jazǵandai istesek bári durys bolady", - delingen qujatta.
