Aǵymdaǵy jyldyń 4 tamyzy kúni Aımaqtyq sybaılas jemqorlyqqa qarsy qyzmet departamentiniń janyndaǵy «Shyǵys – Adaldyq alańy» jobalyq keńsesiniń jetekshisi M. Bahyt joǵaryda aıtylǵan top ókilderimen birge Óskemen qalasynyń saýda nysandaryna reıd júrgizdi.
Karantın rejımin saqtaý, sanıtarlyq talaptardy oryndaý maqsatynda uıymdastyrylǵan reıd kezinde «Dos-Nar», «Valentına» saýda ortalyqtary tekserildi. Nátıjesinde 3 adamǵa eskertý jasaldy. Jobalyq keńse jetekshisi M. Bahyttyń sózinshe:
– Óńirimizdiń bas memlekettik sanıtarlyq dárigeriniń qaýlysyna sáıkes aımaqtarda karantın sharalary kúsheıtilgen. Qaýlyda kórsetilgen sanıtarlyq talaptardy keıbir azamattarymyz oryndap jatqan joq. Osy maqsatta Óskemen qalasynda arnaıy jumys toby qurylǵan. Bizdiń maqsatymyz qaýlynyń is júzinde júzege asýyn qadaǵalaý, – dedi jobalyq keńse jetekshisi.
Sonymen qatar, jobalyq keńse jetekshisi M. Bahyt saýda oryndarynyń qyzmetkerleri men jaýapty ókilderine sanıtarlyq talaptardy saqtamaǵany úshin aıyppul salynatynyn eskertip, túsindirý jumystaryn júrgizdi.
