شقو-دا سانيتارلىق تالاپتاردى ساقتاۋ باستى نازاردا
اعىمداعى جىلدىڭ 4 تامىزى كٷنٸ ايماقتىق سىبايلاس جەمقورلىققا قارسى قىزمەت دەپارتامەنتٸنٸڭ جانىنداعى «شىعىس – ادالدىق الاڭى» جوبالىق كەڭسەسٸنٸڭ جەتەكشٸسٸ م. باحىت جوعارىدا ايتىلعان توپ ٶكٸلدەرٸمەن بٸرگە ٶسكەمەن قالاسىنىڭ ساۋدا نىساندارىنا رەيد جٷرگٸزدٸ.
كارانتين رەجيمٸن ساقتاۋ, سانيتارلىق تالاپتاردى ورىنداۋ ماقساتىندا ۇيىمداستىرىلعان رەيد كەزٸندە «دوس-نار», «ۆالەنتينا» ساۋدا ورتالىقتارى تەكسەرٸلدٸ. نەتيجەسٸندە 3 ادامعا ەسكەرتۋ جاسالدى. جوبالىق كەڭسە جەتەكشٸسٸ م. باحىتتىڭ سٶزٸنشە:
– ٶڭٸرٸمٸزدٸڭ باس مەملەكەتتٸك سانيتارلىق دەرٸگەرٸنٸڭ قاۋلىسىنا سەيكەس ايماقتاردا كارانتين شارالارى كٷشەيتٸلگەن. قاۋلىدا كٶرسەتٸلگەن سانيتارلىق تالاپتاردى كەيبٸر ازاماتتارىمىز ورىنداپ جاتقان جوق. وسى ماقساتتا ٶسكەمەن قالاسىندا ارنايى جۇمىس توبى قۇرىلعان. بٸزدٸڭ ماقساتىمىز قاۋلىنىڭ ٸس جٷزٸندە جٷزەگە اسۋىن قاداعالاۋ, – دەدٸ جوبالىق كەڭسە جەتەكشٸسٸ.
سونىمەن قاتار, جوبالىق كەڭسە جەتەكشٸسٸ م. باحىت ساۋدا ورىندارىنىڭ قىزمەتكەرلەرٸ مەن جاۋاپتى ٶكٸلدەرٸنە سانيتارلىق تالاپتاردى ساقتاماعانى ٷشٸن ايىپپۇل سالىناتىنىن ەسكەرتٸپ, تٷسٸندٸرۋ جۇمىستارىن جٷرگٸزدٸ.
