Shyǵys Qazaqstan oblysynyń birneshe qala, aýdanynda daýyl soqty. Qatty jel Ridder qalasynyń turǵyndaryna eń kóp zalal keltirdi. Elektr jelilerin zaqymdap, turǵyn úiler men basqa da ǵimarattardyń shatyrlaryn ushyryp, aǵashtardy qulatty, dep habarlaidy Dalanews.kz
Aldyn ala derekterge sáikes, Ridderde elektr berý jelileri ishinara zaqymdalyp, turǵyn jáne sharýashylyq nysandardyń shatyrlary julynyp, aǵashtar men túrli qurylymdar qulady. DOSAAF aýdanynda L-61 jelisiniń PS-1 qosalqy stantsiiasynan apatty túrde ajyratylýyna bailanysty shamamen 1237 tutynýshy elektr qýatynsyz qaldy. Qalpyna keltirý jumystaryna eki apattyq brigada jumyldyryldy, úshinshisi jasaqtalýda. Jumystar kún sońyna deiin aiaqtalady dep josparlanýda.
"Jedel áreket etý shtaby quryldy. Kommýnaldyq jáne apattyq qyzmetter kúsheitilgen rejimde jumys isteýde. Azamattardyń ótinishteri qabyldanyp, jedel túrde qaralýda. Jaǵdai jergilikti bilik tarapynan baqylaýda", - delingen oblys ákimdiginiń habarlamasynda.
Tabiǵat apaty Ulan aýdanyn da ainalyp ótpedi. Bozanbai aýylynda 1972 jyly salynǵan ǵimarattyń qosalqy qurylysyna ornatylǵan saidingtiń 70 sharshy metri ushyp ketken — bul “Aigólek” balabaqshasyna tiesili. Qasym Qaisenov kentinde Balalar shyǵarmashylyq úiiniń fýtbol alańyndaǵy jasandy jabyn zaqymdandy — 2300 sharshy metr alań búlindi. Abyroi bolǵanda, barlyq jaǵdailarda adam shyǵyny men zardap shekkender joq.
Óskemen qalasynda daýyldy jel “Halifa Altai” meshitiniń kúmbezine ziian keltirdi. Qalpyna keltirý jumystary júrip jatyr, demeýshiler men kásipkerler belsendi túrde kómektesýde. Qalada jel saldarynan qulaǵan aǵashtar men qurylymdar joiylýda. Ostrovskii, Pribrejnaia, Demian Bednyi, Dobroliýbov, Sátpaev, Ǵ. Aiazbaev kóshelerinde túrli zattar men aǵashtar qulaǵan. Qalalyq alańda da qurylymdardyń qulaýy tirkeldi, sonyń ishinde Krylov kóshesi, 45 mekenjaiy mańyndaǵy belgiler qulaǵan. Esenberlin kóshesinde baǵdarsham isten shyqty, qozǵalys qolmen rettelýde. Serikbaev kóshesi, 1/2 mekenjaiyndaǵy balkonda tútindeý tirkelip, órt tez sóndirildi, zardap shekkender joq.
Shemonaiha da daýyldyń zardabyn tartty. 3-shi yqshamaýdanda bes qabatty turǵyn úidiń shatyry ishinara ushyp ketken. Zaqymdanǵan aýmaq — 300 sharshy metr, jóndeý jumystary nebári bir jyl buryn júrgizilgen. Oqiǵa ornynda TJD jáne jergilikti atqarýshy organdar jumys istedi.
Sonymen qatar, Óskemen qalasynda jáne oblystyń birneshe aýdandarynda qoqys pen qurǵaq shóptiń órtenýine bailanysty birneshe oqiǵa tirkeldi.
Glýbokoe aýdanynda “Altyn Shyǵys” JShS aýmaǵynda 300 m² qoqys pen maily daqyl qaldyqtary, 100 m² qurǵaq shóp jandy — zalal keltirilgen joq.
Katonqaraǵai aýdanynda jol boiynda 1,5 ga aýmaqta órt boldy, qutqarýshylar jumyldyryldy.
Kúrshim aýdanynda 500 m² aýmaqta qurǵaq shóp jandy, Marqakól aýdanynda 0,3 ga aýmaqta qoqys pen kóń jandy.
Ulan aýdany Gagarino aýylynda 80 m² aýmaqta qoqys pen kóń shirip, janý oryn aldy — TJD (4 adam, 1 tehnika) jáne MAÓ (2 adam, 1 tehnika) sóndirdi. Aiyrtaý aýylynda 25 ga ashyq aýmaqta qurǵaq shóp jandy — MAÓ (3 adam, 1 tehnika), TJD (14 adam, 1 tehnika) jáne Aiyrtaý PP (2 adam, 1 tehnika) sóndirdi. Almasai aýylynda Bekbaý kóshesi, 34 mekenjaiynda 200 m² aýmaqta qoqys jandy. Novo-Azovoe aýylynda Stepnaia kóshesinde 200 m² aýmaqta qoqys pen kóń jandy — TJD jáne MAÓ kúshterimen órt sóndirildi.
Ridder qalasynda qosymsha qurǵaq shóptiń janý oqiǵalary tirkeldi. Pionerskaia kóshesi, 71 mekenjaiynda 100 m² aýmaqta órt shyqty, qala shetindegi 10 m² jáne Krýglaia sopka mańynda 580 m² aýmaq janyp, barlyǵy sátti sóndirildi.
Barlyq tótenshe jaǵdailar qyzmetteri óńirde kúsheitilgen tártippen jumysyn jalǵastyrýda. Ákimdikter jaǵdaidy baqylaýda ustap, jinaý, qalpyna keltirý jáne keltirilgen ziiandy baǵalaý jumystary júrgizilýde. Jergilikti turǵyndarǵa jedel shtabtarǵa júginýge bolady, olardyń ótinishteri jedel túrde qaralady.
Joiqyn zardaptarǵa qaramastan, barlyq qyzmetterdiń úilesimdi jáne jedel jumysynyń arqasynda óńirde zardap shekkender men qaza tapqandar tirkelgen joq.
