Qorǵasta 17 qazaqstandyq júk kóligi órtenip ketken. Tótenshe jaǵdai Qytai aýmaǵynda bolǵan, dep habarlaidy dalanews.kz nurkz-ke siltep.
Basylym málimetinshe, 4 mamyrda "Qorǵas" halyqaralyq ortalyǵynyń Qytai jaǵynda júk tielgen fýralardan órt shyqqan. Saldarynan 17 qazaqstandyq kólik janyp ketken.
Oqiǵa Qytai aýmaǵynda bolǵandyqtan, qazaqstandyq jedel qyzmetter shaqyrylmaǵan, tergeý sol eldiń zańnamasyna sáikes júrgiziledi.
Panfilov aýdany ákimdigi zardap shekkenderge qoldaý kórsetiletinin málimdegen. Ákimdik júrgizýshiler men kólik ielerine quqyqtyq jáne qajet kómekti berýge ýáde etken.
