Qazirgi tańda Óskemen qalasynda ekpe salý jumystary qarqyndy júrip jatyr. Osy rette óńirdegi meditsina qyzmetkerleri jasóspirimderge arnalǵan vaktsinanyń qaýipsiz ekenine jurttyń kózin jetkizý úshin óz balalarynyń ekpe alýyna ruqsat berip, oblys turǵyndaryna úlgi kórsetip otyrǵanyn atap aitýǵa bolady.
– Meniń jasósipirmderge arnalǵan Pfizer vaktsinasyna eshqandai kúmán-kúdigim joq. Sol sebepti qyzymnyń osy ekpeni alýyna ruqsatymdy berdim, – deidi ShQO Densaýlyq saqtaý basqarmasyna qarasty Ftiziopýlmonologiialyq ortalyqtyń bas dárigeri Raifa Safiollinova. Osylaisha bas dárigerdiń 15 jasar qyzy jurttyń aldy bolyp vaktsina qabyldap, ózi quryptas balalarǵa úlgi kórsetken.
– Men dárgerdiń qyzy bolǵandyqtan densaýlyǵyma eshqaqashan bei-jai qaraǵan emespin. Vaktsina salyp, ainalama qaýip tóndirmeýdiń durys ekenin túsindim. Pfizer vaktsinasy jaiynda ǵalamtordan kóptegen málimetterdi oqyp, onyń qaýipsiz ekenine kóz jetkizdim. Búginde meniń dostarym da Pfizer vaktsinasyn qabyldap jatyr, – dedi Nazerke Maratqyzy.
Pfizer Dúniejúzilik densaýlyq saqtaý uiymy birinshi bolyp maquldaǵan vaktsina ekeni belgili.
– Árbir ata-ana balasynyń densaýylǵyn saqtaýǵa mindetti. Osy rette oblysymyzdaǵy dárigerler jumys barysynda ujymdyq immýnitet qalyptastyrý úshin birinshi bolyp vaktsina qabyldady. Osylaisha jurtqa úlgi kórsettik. Bizdiń ortalyqtyń bilikti dárigerleri vaktsinanyń adam ómirine qaýipsiz ekeni jaiynda kóptegen jiyndarda aityp, keńinen túsindirip keledi. Qazirgi tańda halyq ta adam ómirin saqtaýda vaktsinanyń oryny erekshe ekenin túsindi, – deidi Raifa Safiollinova.
Sóz sońynda Shyǵys Qazaqstan oblysy boiynsha bala emizetin jáne aiaǵy aýyr úsh myńnan astam jas ana Pfizer vaktsinasynyń alǵashqy kompenetin alǵanyn aita ketýimiz kerek.
