قازىرگى تاڭدا وسكەمەن قالاسىندا ەكپە سالۋ جۇمىستارى قارقىندى ءجۇرىپ جاتىر. وسى رەتتە وڭىردەگى مەديسينا قىزمەتكەرلەرى جاسوسپىرىمدەرگە ارنالعان ۆاكسينانىڭ ءقاۋىپسىز ەكەنىنە جۇرتتىڭ كوزىن جەتكىزۋ ءۇشىن ءوز بالالارىنىڭ ەكپە الۋىنا رۇقسات بەرىپ، وبلىس تۇرعىندارىنا ۇلگى كورسەتىپ وتىرعانىن اتاپ ايتۋعا بولادى.
– مەنىڭ جاسوسىپىرمدەرگە ارنالعان Pfizer ۆاكسيناسىنا ەشقانداي كۇمان-كۇدىگىم جوق. سول سەبەپتى قىزىمنىڭ وسى ەكپەنى الۋىنا رۇقساتىمدى بەردىم، – دەيدى شقو دەنساۋلىق ساقتاۋ باسقارماسىنا قاراستى فتيزيوپۋلمونولوگيالىق ورتالىقتىڭ باس دارىگەرى رايفا سافيوللينوۆا. وسىلايشا باس دارىگەردىڭ 15 جاسار قىزى جۇرتتىڭ الدى بولىپ ۆاكسينا قابىلداپ، ءوزى قۇرىپتاس بالالارعا ۇلگى كورسەتكەن.
– مەن دارگەردىڭ قىزى بولعاندىقتان دەنساۋلىعىما ەشقاقاشان بەي-جاي قاراعان ەمەسپىن. ۆاكسينا سالىپ، اينالاما ءقاۋىپ توندىرمەۋدىڭ دۇرىس ەكەنىن ءتۇسىندىم. Pfizer ۆاكسيناسى جايىندا عالامتوردان كوپتەگەن مالىمەتتەردى وقىپ، ونىڭ ءقاۋىپسىز ەكەنىنە كوز جەتكىزدىم. بۇگىندە مەنىڭ دوستارىم دا Pfizer ۆاكسيناسىن قابىلداپ جاتىر، – دەدى نازەركە مارات قىزى.
Pfizer دۇنيەجۇزىلىك دەنساۋلىق ساقتاۋ ۇيىمى ءبىرىنشى بولىپ ماقۇلداعان ۆاكسينا ەكەنى بەلگىلى.
– ءاربىر اتا-انا بالاسىنىڭ دەنساۋىلعىن ساقتاۋعا مىندەتتى. وسى رەتتە وبلىسىمىزداعى دارىگەرلەر جۇمىس بارىسىندا ۇجىمدىق يممۋنيتەت قالىپتاستىرۋ ءۇشىن ءبىرىنشى بولىپ ۆاكسينا قابىلدادى. وسىلايشا جۇرتقا ۇلگى كورسەتتىك. ءبىزدىڭ ورتالىقتىڭ بىلىكتى دارىگەرلەرى ۆاكسينانىڭ ادام ومىرىنە ءقاۋىپسىز ەكەنى جايىندا كوپتەگەن جيىنداردا ايتىپ، كەڭىنەن ءتۇسىندىرىپ كەلەدى. قازىرگى تاڭدا حالىق تا ادام ءومىرىن ساقتاۋدا ۆاكسينانىڭ ورىنى ەرەكشە ەكەنىن ءتۇسىندى، – دەيدى رايفا سافيوللينوۆا.
ءسوز سوڭىندا شىعىس قازاقستان وبلىسى بويىنشا بالا ەمىزەتىن جانە اياعى اۋىر ءۇش مىڭنان استام جاس انا Pfizer ۆاكسيناسىنىڭ العاشقى كومپەنەتىن العانىن ايتا كەتۋىمىز كەرەك.
