Jas shyǵysqazaqstandyqtar endi alysqa barmai-aq IT-biznes negizderin úirenýge múmkindik alady.
– Bul bizdiń oblystyń IT-salasyn damytý úshin bolashaǵy zor bastama bolmaq. Prezident Qasym-Jomart Toqaevtyń 100 myń maman daiarlaý týraly tapsyrma bergenin bárimiz bilemiz. Bul jerde ýniversitet pen IT-habty shoǵyrlandyrý, jergilikti atqarýshy organdardyń qoldaýymen balalar úshin IT salasynda bilim alýǵa jáne ony damytýǵa jaqsy múmkindik beredi, – dep esepteidi ShQTÝ rektory Sáýle Rahmetýllina.
D. Serikbaeva "Astana Hub" basqarýshy direktory Alina Abdrahmanovanyń aitýynsha, kýrstyń basty maqsaty – balalarǵa ideiadan Startapqa qalai jetýge bolatynyn kórsetý degen oiyn jetkizdi.
– IT-baǵyttardy tanymal etý, tehnologiialyq kásipkerlikti damytý, bilim berý baǵdarlamalaryn, biznes-inkýbatsiialyq baǵdarlamalardy ilgeriletý, Óskemendegi startap ónimderdi naryqqa shyǵarý jáne investitsiialar tartý turǵysynan da respýblikalyq qana emes, sonymen qatar halyqaralyq deńgeige shyǵýy úshin qajet, – dedi "Astana Hub" basqarýshy direktor Alina Abdrahmanova.
Aita keteiik, Astana Hub – Ortalyq Aziiadaǵy IT-startaptardyń iri halyqaralyq tehnoparki. Qazirgi ýaqytta tehnoparkte 1000-nan astam qatysýshy bar. Olardyń 217-si sheteldik kompaniialar.
Astana Hub rezidentteri barlyǵy 14 myńnan astam jumys ornyn ashty. Astana Hub-ta bilim berý baǵdarlamalary jumys isteidi. 19 000-ǵa jýyq adam oqydy, al inkýbatsiia jáne akseleratsiia baǵdarlamalaryn 2 000-nan astam adam aiaqtady.
Munda qazaqstandyq jáne sheteldik tehnologiialyq kompaniialardyń erkin damýy úshin jaǵdai jasalýda. Astana Hub jahandyq missiiasy-innovatsiialyq jobalardy damytý ortalyǵyna ainalý, serpindi IT-kompaniialardy shyǵarý, sondai-aq álemniń túkpir-túkpirinen jas jáne daryndy IT-mamandardy tartý oshaǵyna ainalýdy kózdeidi.
