جاس شىعىسقازاقستاندىقتار ەندى الىسقا بارماي-اق IT-بيزنەس نەگىزدەرىن ۇيرەنۋگە مۇمكىندىك الادى.
– بۇل ءبىزدىڭ وبلىستىڭ IT-سالاسىن دامىتۋ ءۇشىن بولاشاعى زور باستاما بولماق. پرەزيدەنت قاسىم-جومارت توقايەۆتىڭ 100 مىڭ مامان دايارلاۋ تۋرالى تاپسىرما بەرگەنىن ءبارىمىز بىلەمىز. بۇل جەردە ۋنيۆەرسيتەت پەن IT-حابتى شوعىرلاندىرۋ، جەرگىلىكتى اتقارۋشى ورگانداردىڭ قولداۋىمەن بالالار ءۇشىن IT سالاسىندا ءبىلىم الۋعا جانە ونى دامىتۋعا جاقسى مۇمكىندىك بەرەدى، – دەپ ەسەپتەيدى شقتۋ رەكتورى ساۋلە راحمەتۋللينا.
د. سەرىكبايەۆا "Astana Hub" باسقارۋشى ديرەكتورى الينا ابدراحمانوۆانىڭ ايتۋىنشا، كۋرستىڭ باستى ماقساتى – بالالارعا يدەيادان ستارتاپقا قالاي جەتۋگە بولاتىنىن كورسەتۋ دەگەن ويىن جەتكىزدى.
– IT-باعىتتاردى تانىمال ەتۋ، تەحنولوگيالىق كاسىپكەرلىكتى دامىتۋ، ءبىلىم بەرۋ باعدارلامالارىن، بيزنەس-ينكۋباسيالىق باعدارلامالاردى ىلگەرىلەتۋ، وسكەمەندەگى ستارتاپ ونىمدەردى نارىققا شىعارۋ جانە ينۆەستيسيالار تارتۋ تۇرعىسىنان دا رەسپۋبليكالىق قانا ەمەس، سونىمەن قاتار حالىقارالىق دەڭگەيگە شىعۋى ءۇشىن قاجەت، – دەدى "Astana Hub" باسقارۋشى ديرەكتور الينا ابدراحمانوۆا.
ايتا كەتەيىك، Astana Hub – ورتالىق ازياداعى IT-ستارتاپتاردىڭ ءىرى حالىقارالىق تەحنوپاركى. قازىرگى ۋاقىتتا تەحنوپاركتە 1000-نان استام قاتىسۋشى بار. ولاردىڭ 217ء-سى شەتەلدىك كومپانيالار.
Astana Hub رەزيدەنتتەرى بارلىعى 14 مىڭنان استام جۇمىس ورنىن اشتى. Astana Hub-تا ءبىلىم بەرۋ باعدارلامالارى جۇمىس ىستەيدى. 19 000-عا جۋىق ادام وقىدى، ال ينكۋباسيا جانە اكسەلەراسيا باعدارلامالارىن 2 000-نان استام ادام اياقتادى.
مۇندا قازاقستاندىق جانە شەتەلدىك تەحنولوگيالىق كومپانيالاردىڭ ەركىن دامۋى ءۇشىن جاعداي جاسالۋدا. Astana Hub جاھاندىق ميسسياسى-يننوۆاسيالىق جوبالاردى دامىتۋ ورتالىعىنا اينالۋ، سەرپىندى IT-كومپانيالاردى شىعارۋ، سونداي-اق الەمنىڭ تۇكپىر-تۇكپىرىنەن جاس جانە دارىندى IT-مامانداردى تارتۋ وشاعىنا اينالۋدى كوزدەيدى.
