Búgingi tańda SHQO-da zeınetkerlik jasyna tolǵan 132 588 adam turyp jatyr.
– Meıirimdilik aılyǵy aıasynda 6813 qart pen múgedektigi bar adamdarǵa áleýmettik kómek kórsetý, onyń ishinde otyn-kómirmen, dári-dármekpen jáne taǵy basqa qajettiliktermen qamtamasyz etý josparlanǵan. Sondaı-aq jyl basynan beri 3352 adam sanatorıı-kýrorttyq emdeýmen qamtamasyz etildi, – dedi basqarmada.
Óńirde Qarttar kúnine oraı «Meıirimdilik aılyǵy» aksıasyn ótkizý jónindegi oblystyq is-sharalar jospary bekitilgen. Osy jospar aıasynda saltanatty is-sharalardy uıymdastyrý, kóp jasaǵan qarttar men UOS ardagerlerin arnaıy quttyqtap, syılyqtaryn tabystaý, merekelik qaıyrymdylyq túski as uıymdastyryp, ardagerler men olarǵa teńestirilgen adamdarǵa jyl saıynǵy skrınıngtik jáne profılaktıkalyq medısınalyq tekserýler ótkizý boıynsha is-sharalar josparlanǵan.
Sonymen qatar eriktiler toby ardagerler men jalǵyzbasty zeınetkerlerge qysqy otyn daıyndaýǵa jáne aýlalaryn tazalaýǵa kómek kórsetýdi bastap ketti.
– Qalalar men aýdandarda zeınetkerlerdiń, jalǵyzbasty qarttardyń, áleýmettik jáne materıaldyq kómekke muqtaj múgedektigi bar adamdardyń ómir súrý jaǵdaılaryn anyqtaý boıynsha jumys júrgizilýde, – dep tolyqtyrdy jumyspen qamtý jáne áleýmettik baǵdarlamalardy úılestirý basqarmasynda.
Aıta keteıik, qoǵamnyń, onyń ishinde keıingi býynnyń qarıalarǵa degen syı-qurmetin arttyrýǵa baǵyttalǵan osyndaı aksıalardyń bereri mol ekeni sózsiz.
