Taiaýda ǵana baspasóz máslihatyn uiymdastyryp, oblys aýmaǵynda halyqty jumyspen qamtý isi qalai iske asyp jatqanyn jiliktep aityp bergen ShQO Jumyspen qamtý jáne áleýmettik baǵdarlamalardy úilestirý basqarmasy basshysynyń orynbasary Doshan Qaiyrǵazinov óńirde 13,9 myń turǵyny «Eńbek» baǵdarlamasyna qatysyp, jumyspen qamtylǵanyn jariia etken-di.
Búginde eńbek naryǵyna qajetti maman daiyndaý boiynsha ShQO-ǵy 48 kolledjdiń bazasynda 3807 stýdentti suransqa ie mamandyqtardy oqtý kózdelinip otyr. 1 qyrkúiekte qosymsha taǵy 1730 adam kásiptik bilim berý mekemelerinde biliktiligin shyńdap, jańa mamandyqtardy igere bastaidy.
Oblysta kásipkerlikti jappai damytý maqsatynda memlekettik biýdjet esebinen 534 jobaǵa 2,2 mlrd teńge bólingen bolatyn. Budan basqa azamattardyń biznes-ideialaryn júzege asyrý úshin 473 grantqa 263 mln teńge baǵyttalǵanyn aita ketýimiz kerek. Osylaisha oblysta shaǵyn biznespen ainalysýǵa niettengen azamattarǵa qarjylai qoldaý barynsha kórsetilýde. .
– Qazirgi tańda oblystaǵy jumyspen qamtý sharalary 5959 adamǵa paidasyn tigizip úlgerdi. Tarqatyp aitsaq, 612 adam – sýbsidiialanǵan áleýmettik jumys oryndarmen qamtylsa, 331 adam – jastar paraktikasynan ótýde. Al 5016 adam – túrli qoǵamdyq jumystarǵa tartylyp, eńbek etýde, – deidi Doshan Qaiyrǵazinov.
Shyǵys Qazaqstan oblysynda «Jumyspen qamtýdyń Jol kartasy» baǵdarlamasy aiasynda 817 infraqurylymdyq jobalar júzege asyrý kózdelgen. Osy jobalardyń arqasynda 20 myń jumys oryny qurylýy tiis. Onyń 18,9 myńy ýaqytsha jumystar bolsa, 1 150 turaqty jumys oryndary ekenin aita ketýimiz kerek.
Qazirgi tańda 17,9 myń jumys oryny qurylǵan, onyń 9,6 myń jumyspen qamtý ortalyqtary arqyly jumysqa jiberilgenin aita ketýimiz kerek.. Aldaǵy ýaqytta halyqty jumyspen qamtý jumystary jalǵasyn tabatyn bolady.
