Brifing barysynda biylǵy jyly shomylý maýsymy kezinde qaza tapqandar sany 2022 jyldyń sáikes kezeńimen salystyrǵanda 15%-ǵa tómendegenin aityp ótti.
– Jazǵy kezeńde sý aidyndarynda ShQO TJD qyzmetkerleri 14 adamdy, onyń ishinde 1 balany qutqardy. ShQO TJD aýmaqtyq bólimsheleri men jergilikti atqarýshy organdar qaýipsizdik sharalarynyń aldyn alý boiynsha keń aýqymdy jumys júrgizip, 304 tyiym salý jáne eskertý belgileri jáne 24 banner ornatyldy.Qutqarýshylar politseilermen, jergilikti atqarýshy organdarmen jáne eriktilermen birlesip 4400-den astam reidter men patrýlder júrgizdi. Máselen, "Ákimshilik quqyq buzýshylyq týraly" Qazaqstan Respýblikasy Kodeksiniń 364 , 412, 440-baptary boiynsha 126 adam tartyldy, – dedi ShQO TJD azamattyq qorǵanys basqarmasynyń bastyǵy Rýslan Orynbekov.
Brifingte óńirdegi jaǵajai máselis jailyda aityldy.
– Aǵymdaǵy jyly Ridder qalasynyń aýmaǵynda, Jýravliha ózeniniń jaǵalaýynda kommýnaldyq jaǵajai ashyldy. Aimaqta shomylý úshin 22 ýchaske anyqtaldy. Alaida, sý aidyndaryndaǵy qaýipsizdik erejelerine sáikes tek 8-i jabdyqtalǵan. Altai aýdanyndaǵy 2 jaǵajaidy, Katonqaraǵai aýdanyndaǵy jaǵajaidy, Samar aýdanyndaǵy 8 jaǵajaidy jabdyqtaý máselesi sheshilmegen kúiinde qalyp otyr. Ulan aýdanynda 9 oryn anyqtaldy, 1 jabdyqtalǵan jaǵajai bar (Sibe kólderindegi jaǵajai "Shalqar" kóli) jáne 4 jeke jaǵajai, qalǵan 4 jerde jaǵajailar jabdyqtalmaǵan. Aimaqta 78 orynǵa shomylýǵa, 28 orynǵa shaǵyn kólemdi kemelerde jáne basqa da júzý quraldarynda júrýge tyiym salynǵan, – dedi spiker.
Biyl shomylý maýsymy kezinde 6 adam sýǵa batyp ketken. Barlyq jaǵdailar shomylýǵa jabdyqtalmaǵan jerlerde oryn aldy. Buqtyrma sý qoimasynyń aýmaǵynda 3 adam, Zaisan kólinde 2 adam, Glýbochanka ózeninde 1 adam sýǵa batyp ketti.
ShQO TJD qyzmetkerleri sý aidyndarynda qaýipsizdik sharalaryn qatań saqtaý kerektigin eskertedi. Sýǵa júzý quraldarymen shyqqanda qutqarý keýdeshesin kiiý, qaiyqty shamadan tys júktemeý jáne qarańǵyda ýaqytta ózender men kólderge shyqpaý kerektigin, tótenshe jaǵdailar kezinde "112"nómiri boiynsha habarlaý qajet ekenin basa aitty.
