Dáýlet Serikbaev atyndaǵy Shyǵys Qazaqstan tehnıkalyq ýnıversıtetinde jastardy ekologıalyq bastamalarǵa tartýǵa arnalǵan ınteraktıvti pikirtalas ótti,- dep habarlaıdy Dalanews.kz
İs-sharaǵa memlekettik organdardyń ókilderi, ekologıalyq uıymdar jáne sarapshylar qaýymdastyǵy qatysty.
Basty spıkerlerdiń biri – «Óskemen tynysy» Ekologıalyq qorǵanys búrosynyń jobalyq keńsesiniń jetekshisi Elena Berezınskaıa-Abılova jastardy óńirdiń ekologıalyq máselelerin sheshýge belsendi qatystyrý boıynsha óz tájirıbesimen jáne usynystarymen bólisti.
Pikirtalasqa sondaı-aq SHQO tabıǵı resýrstar jáne tabıǵatty paıdalanýdy retteý basqarmasy basshysynyń orynbasary Elaman Muhtarhanov, Vıtalıı Cherneskıı – «ECOJER» óńirlik ekologıalyq keńesiniń tóraǵasy, «Óskemen tynysy» búrosynyń múshesi, Vadım Kýshnarev – «ECOJER» fılıalynyń ekology, «Óskemen tynysy» búrosynyń múshesi qatysty.
Pikirtalas barysynda Shyǵys Qazaqstan oblysynyń ekologıasyna qatysty ózekti máseleler qarastyrylyp, jastardyń turaqty ekologıalyq tájirıbelerdi damytýdaǵy róli jáne olardy tabıǵatty qorǵaý bastamalaryna belsendi tartý sharalary talqylandy.
