داۋلەت سەرىكبايەۆ اتىنداعى شىعىس قازاقستان تەحنيكالىق ۋنيۆەرسيتەتىندە جاستاردى ەكولوگيالىق باستامالارعا تارتۋعا ارنالعان ينتەراكتيۆتى پىكىرتالاس ءوتتى،- دەپ حابارلايدى Dalanews.kz
ءىس-شاراعا مەملەكەتتىك ورگانداردىڭ وكىلدەرى، ەكولوگيالىق ۇيىمدار جانە ساراپشىلار قاۋىمداستىعى قاتىستى.
باستى سپيكەرلەردىڭ ءبىرى – «وسكەمەن تىنىسى» ەكولوگيالىق قورعانىس بيۋروسىنىڭ جوبالىق كەڭسەسىنىڭ جەتەكشىسى ەلەنا بەرەزينسكايا-ابيلوۆا جاستاردى ءوڭىردىڭ ەكولوگيالىق ماسەلەلەرىن شەشۋگە بەلسەندى قاتىستىرۋ بويىنشا ءوز تاجىريبەسىمەن جانە ۇسىنىستارىمەن ءبولىستى.
پىكىرتالاسقا سونداي-اق شقو تابيعي رەسۋرستار جانە تابيعاتتى پايدالانۋدى رەتتەۋ باسقارماسى باسشىسىنىڭ ورىنباسارى ەلامان مۇحتارحانوۆ، ۆيتاليي چەرنەسكيي – «ECOJER» وڭىرلىك ەكولوگيالىق كەڭەسىنىڭ ءتوراعاسى، «وسكەمەن تىنىسى» بيۋروسىنىڭ مۇشەسى، ۆاديم كۋشناريەۆ – «ECOJER» فيليالىنىڭ ەكولوگى، «وسكەمەن تىنىسى» بيۋروسىنىڭ مۇشەسى قاتىستى.
پىكىرتالاس بارىسىندا شىعىس قازاقستان وبلىسىنىڭ ەكولوگياسىنا قاتىستى وزەكتى ماسەلەلەر قاراستىرىلىپ، جاستاردىڭ تۇراقتى ەكولوگيالىق تاجىريبەلەردى دامىتۋداعى ءرولى جانە ولاردى تابيعاتتى قورعاۋ باستامالارىنا بەلسەندى تارتۋ شارالارى تالقىلاندى.
