ShQO-da jas shyrshalardy kesýshilerdiń aldyn alý jumystary qolǵa alyndy
ShQO Politsiia departamentiniń habarlaýynsha quqyq qorǵaý organdarynyń ókilderi orman sharýashylyǵy ókilderimen birlesip oblys aýmaǵynda 22 jedel áreket etý toptaryn qurǵanyn málimdedi.
– Ańshylyq sharýashylyqtarǵa kirip, shyǵatyn joldarǵa arnaiy beketter qoiylyp, jol boiyn baqylaý isi kúsheitildi. Budan basqa bazarlar men saýda oryndarda jas qylqan japyraqty shyrshalardy saýdalaýshylar da baqylanady, – dedi politsiia ókilderi.
Jańa jyl merekesi kezinde jas shyrshalardy kesý oqiǵalary jii kezdesetini jasyryn emes. Tártip saqshylary osyndai zań buzýshylyqtardyń aldyn alýdy kózdep ormanshylarmen birge baqalý jumystaryn kúsheitip otyr.
Jedel aldyn alý sharalary bastalǵan kúnnen beri politsiia qyzmetkerleri alty quqyq buzýshylyqqa qatysty ákimshilik is qozaǵap úlgergen. Onyń ekeýi qylqan japyraqty shyrshalardy zańsyz kesýge qatysty bolǵan.
Al Altai qalasynyń tártip saqshylary «Altai – Parygino» tas jolynyń boiynda kólikti toqtatyp, Altai qalasynyń 50 jastaǵy turǵyny qajetti qujattary joq qaraǵai kóshetterin alyp bara jatqanyn anyqtady. Politsiia qyzmetkerleri aǵash kesken azamatqa qatysty ákimshilik quqyq buzýshylyq isi boiynsha hattama toltyrǵan. Dál osyndai jaǵdai Besqaraǵai aýdanynda da oryn alyp, 40 jasar azamattyń 26 jas qaraǵaidy keskenin anyqtalyp otyr.
